coronavirus: "हा तर मोदी सरकारचा धूर्तपणा; देवेंद्र फडणवीसजी कृपया खोटे बोलणे थांबवा’’  

coronavirus in Maharashtra : काँग्रेसचे प्रवक्ते सचिन सावंत यांनी आकडेवारी मांडून फडणवीस यांच्या दाव्याची चिरफाड करत मोदी सरकारलाही टोला लगावला आहे.

मुंबई - कोरोना विषाणूच्या थैमानामुळे राज्यात बिकट परिस्थिती निर्माण झालेली आहे. मेडिकल ऑक्सिजनसह विविध औषधांचा तुटवडा जाणवत आहे. (coronavirus in Maharashtra) त्यादरम्यान, केंद्र सरकारने राज्याला पुरवलेल्या ऑक्सिजनसाठी देवेंद्र फडणवीस (Devendra Fadanvis) यांनी केंद्र सरकारचे आभार मानले आहेत. मात्र आता काँग्रेसचे प्रवक्ते सचिन सावंत यांनी आकडेवारी मांडून फडणवीस यांच्या या दाव्याची चिरफाड करत मोदी सरकारलाही टोला लगावला आहे. (' This is the cunning of the Modi government; Devendra Fadnavis, please stop lying. " Sachin Sawant Criticize Devendra Fadanvis)

सचिन सावंत यांनी एकापाठोपाठ एक असे तीन ट्विट करून देवेंद्र फडणवीस यांच्या दाव्याची पोलखोल केली आहे. या ट्विटमध्ये सचिन सावंत म्हणतात. प्रिय देवेंद्र फडणवीसजी आपण जी यादी दाखवून मोदींना श्रेय देत आहात, त्यामध्ये महाराष्ट्रात असलेल्या प्रकल्पांचा समावेश आहे. १२५० मे.टन ही महाराष्ट्राची निर्माण क्षमता आहे. यासाठी मोदींच्या परवानगीची गरज नाही. त्याबद्दल त्यांचे आभार मानणे योग्य नाही. हा मोदी सरकारचा धूर्तपणा आहे.

प्रिय @dev_fadnavis जी, आपण जी यादी दाखवून मोदीजींना श्रेय देत आहात, त्यामध्ये महाराष्ट्रात असलेल्या प्रकल्पांचा समावेश आहे. १२५० मे.टन ही महाराष्ट्राची निर्माण क्षमता आहे. यासाठी मोदींच्या परवानगीची गरज नाही. त्याबद्दल त्यांचे आभार मानणे योग्य नाही. हा मोदी सरकारचा धूर्तपणा आहे. https://t.co/JZZhFAk3u9

— Sachin Sawant सचिन सावंत (@sachin_inc) April 26, 2021

त्यानंतर सावंत यांनी याबाबतची आकडेवारीही मांडली आहे. महाराष्ट्रातील प्रकल्पाद्वारे महाराष्ट्राची ऑक्सिजन उत्पादन क्षमता ही १२५० मे.टन आहे. तर केंद्राच्या मान्यतेने भिलाई येथून ११० मेट्रिक टन, बेलारी येथून ५० मेट्रिक टन, जामनगर येथून १२५ मेट्रिक टन, विझाग येथून ६० मेट्रिक टन आणि ऑक्सिजन एक्स्प्रेसने ७ टॅँकरमधून एकदा ११० मेट्रिक ऑक्सिजन आणले आहे, अशी आकडेवारीच सचिन सावंत यांनी दिली आहे. 

तथ्य
महाराष्ट्राची ऑक्सिजन उत्पादन क्षमता महाराष्ट्रातील प्रकल्पाद्वारे 1250 मे.टन आहे
केंद्राच्या मान्यतेने प्राप्त होत असलेला अॉक्सिजन
भिलाई 110 मे.टन /दिन
बेलारी 50 मे.टन /दिन
जामनगर 125 मे.टन/दिन
व्हायजॅग - 60 मे.टन सरासरी
ऑक्सिजन एक्सप्रेसने 7 टँकरने एकदा 110 मे.टन आणले आहे pic.twitter.com/jSHlmTbWJ4

— Sachin Sawant सचिन सावंत (@sachin_inc) April 26, 2021

 महाविकास आघाडी सरकारने १५ ते ३० एप्रिल या १५ दिवसांसाठी २५ हजार मेट्रिक टन ऑक्सिजनची आवश्यकता भासेल असा अंदाज व्यक्त केला होता. त्यामध्ये १७ हजार ५०० मेट्रिक टन  ऑक्सिजन निर्मिती करण्याची महाराष्ट्राची क्षमता आहे. तर केंद्राकडून ७ हजार ५०० मेट्रिक टन म्हणजे दररोज ५०० मेट्रिक टन ऑक्सिजन मिळणे अपेक्षित होते. मात्र प्रत्यक्षात केंद्राकडून केवळ ३४५ मेट्रिक टन ऑक्सिजन मिळत आहे. उरलेल्या पुरवठ्यासाठी वाहतुकीचे अडथळे निर्माण झालेले आहेत. त्यामुळे देवेंद्र फडणवीसजी कृपया खोटे बोलणे थांबवा, असा टोला सचिन सावंत यांनी लगावला आहे.   

एमव्हीए सरकारने 15 ते 30 एप्रिल या 15 दिवसांत 25000 मे. टन ऑक्सिजनची आवश्यकता व्यक्त केली होती. 17500 मे.टन महाराष्ट्राची क्षमता होती. केंद्राला 7500 मे.टन म्हणजे 500 मे.टन/दिन द्यायचे होते. परंतु 345 मे.टन/दिन मिळत आहे. उरलेल्यासाठी वाहतूक अडचण येत आहे
कृपया खोटे बोलणे थांबवा pic.twitter.com/DF5oeN7pmx

— Sachin Sawant सचिन सावंत (@sachin_inc) April 26, 2021