Param bir Singh Letter Bomb: गृहमंत्र्यांची चौकशी तुम्हीच करा; ज्युलिओ रिबेरोंचा शरद पवारांच्या प्रस्तावास स्पष्ट नकार
By ऑनलाइन लोकमत | Published: March 22, 2021 10:31 AM2021-03-22T10:31:53+5:302021-03-22T10:33:39+5:30
Julio Ribeiro answer to Sharad pawar: राज्याचा राजकारणात शनिवारी रात्री भूकंप आला होता. मुंबईचे माजी पोलीस आयुक्त परमबीर सिंगांनी महाराष्ट्राचे गृहमंत्री अनिल देशमुख यांच्यावर गंभीर आरोप असलेले पत्र मुख्यमंत्री कार्यालयाला पाठविले होते. यामध्ये निलंबित पोलीस अधिकारी सचिन वाझे याला देशमुखांनी मुंबईतील पब, बार आदी आस्थापनांकडून महिन्याला 100 कोटी रुपये वसुलीचे काम दिले होते. गृहमंत्री पोलिसांवर दबाव टाकत असल्याचे परमबीर यांनी मुख्यमंत्री, शरद पवार, अजित पवारांना सांगितले होते, असा आरोप केला होता.
Param bir Singh Letter Bomb: गृहमंत्र्यांची चौकशी तुम्हीच करा; ज्युलिओ रिबेरोंचा शरद पवारांच्या प्रस्तावास स्पष्ट नकार
बॉलिवूडचा अभिनेता सुशांत सिंह राजपूत (Sushant Singh Rajput) आत्महत्येप्रकरणात होत असलेले राजकारण हे राज्यातील सरकार पाडण्यासाठी होत असल्याचा आरोप करणाऱे माजी पोलिस महासंचालक ज्युलिओ रिबेरो (Julio Ribeiro) यांनी परमबीर सिंग यांच्या लेटर बॉम्बचा (Param Bir Singh letter bomb) तपास करण्यास स्पष्ट नकार दिला आहे. ऱाष्ट्रवादीचे अध्यक्ष शरद पवार (Sharad pawar) यांनी अनिल देशमुखांवरील (Anil deshmukh) परमबीर सिंगांनी लावलेल्या आरोपांचा ज्युलिओ रिबेरोंसारख्या अधिकाऱ्याकडून तपास व्हावा अशी अपेक्षा व्यक्त केली होती. यावर रिबेरो यांनी इच्छुक नसल्याचे म्हटले आहे. ("I am 92 years old. Nobody goes around doing this work at the age of 92. If the inquiry is against the home minister of Maharashtra, then Mr Pawar should make it because he is the head of the (ruling) party," Ribeiro said.)
राज्याचा राजकारणात शनिवारी रात्री भूकंप आला होता. मुंबईचे माजी पोलीस आयुक्त परमबीर सिंगांनी महाराष्ट्राचे गृहमंत्री अनिल देशमुख यांच्यावर गंभीर आरोप असलेले पत्र मुख्यमंत्री कार्यालयाला पाठविले होते. यामध्ये निलंबित पोलीस अधिकारी सचिन वाझे याला देशमुखांनी मुंबईतील पब, बार आदी आस्थापनांकडून महिन्याला 100 कोटी रुपये वसुलीचे काम दिले होते. गृहमंत्री पोलिसांवर दबाव टाकत असल्याचे परमबीर यांनी मुख्यमंत्री, शरद पवार, अजित पवारांना सांगितले होते, असा आरोप केला होता.
यानंतर भाजपाने हे प्रकरण उचलून धरत अनिल देशमुखांच्या राजीनाम्याची मागणी करत चौकशीची मागणी केली होती. यानंतर मनसे अध्यक्ष राज ठाकरेंनीदेखील एका पोलीस एपीआयला एवढे तर राज्यात असे किती आयुक्त आहेत, त्यांना किती सांगितलेले हा आकडादेखील बाहेर यायला हवा अशी मागणी केली होती. या साऱ्य़ावर शरद पवारांनी पत्रकार परिषद घेत परमबीर सिंगांचे आरोप गंभीर आहेत, परंतू पुरावे दिलेले नाहीत. यामुळे या प्रकरणाची ज्युलिओ रिबेरोंसारख्या अधिकाऱ्याकडून चौकशी करण्याचा प्रस्ताव त्यांनी दिला होता.
यावर रिबेरो यांनी आपण उपलब्ध नसल्याचे उत्तर दिले आहे. मला सरकारने संपर्क केलेला नाहीय. कोणत्याही प्रकरणाच्या चौकशीसाठी जरी त्यांनी माझ्याशी संपर्क साधला तरीदेखील मी उपलब्ध नसेन, अशा शब्दांत रिबेरो यांनी पवारांचा प्रस्ताव फेटाळला आहे.
मी आता 92 वर्षांचा आहे. या वयात कोणीही अशा प्रकरणाचा तपास करू शकणार नाही. जर महाराष्ट्राच्या गृहमंत्र्यांची चौकशी लागली तर ती सत्ताधारी पक्षाचे प्रमुख म्हणून शरद पवारांनीच करावी, असे रिबेरो यांनी सांगितले. या प्रकरणाची चौकशी निवृत्त पोलीस अधिकाऱ्यालाच का करायला सांगताहेत, असा सवालही रिबेरो यांनी उपस्थित केला.
Parambir Singh: परमबीर सिंगांच्या 100 कोटींच्या लेटर बॉम्बमागे कोण? सोशल मीडियाच्या तोंडी एकच नाव
