बाजार समितीला १.७५ कोटीचा दंड

बेकायदा उत्खननप्रकरणी पुणे बाजार समितीला जिल्हा प्रशासनाने पावणदोन कोटी रुपयांचा दंड ठोठावला आहे. गुलटेकडी

पुणे : बेकायदा उत्खननप्रकरणी पुणे बाजार समितीला जिल्हा प्रशासनाने पावणदोन कोटी रुपयांचा दंड ठोठावला आहे.
गुलटेकडी मार्केट यार्ड येथील बाजार समितीच्या आवारामध्ये अत्याधुनिक फूल बाजार उभारण्यासाठी सर्व्हे नंबर ५६०मध्ये सुमारे ५ हेक्टर ७० आर क्षेत्रात बेकायदा उत्खनन करण्यात आले आहे. तसेच या उत्खननामधून निघालेला मुरुम दुसऱ्या सर्व्हे नंबरमध्ये वापरण्यात आला. यासाठी बाजार समितीने परवानगी न घेतल्याने जिल्हा प्रशासनाने तब्बल १ कोटी ६९ लाख ५९ हजार रुपयांचा दंड केला आहे. बाजार समितीच्या वतीने फूल बाजाराच्या उभारणीसाठी ६ हजार २३४ ब्रास मुरुम उत्खनन करण्याची परवानगी घेतील होती. प्रत्यक्ष तब्बल ९ हजार ३९६ उत्खनन करण्यात आले.