बारामतीत विविध योजनांचे २

बारामती : तालुका व शहरातील सर्व संजय गांधी योजनेसह विविध लाभार्थ्यांचे दोन कोटी एकतीस लाख सत्याहत्तर हजार शंभर रुपयाचे अनुदान जिल्हा मध्यवर्ती बँकेच्या शाखांमध्ये जमा करण्यात आले आहे.

याबाबत बारामती तालुका राष्ट्रवादी काँग्रेसचे अध्यक्ष संभाजी होळकर यांनी माहिती दिली. त्यानुसार बारामती तालुक्यातील सर्वच शाखांमध्ये संजय गांधी निराधार योजना शाखा तहसीलदार बारामती कार्यालयाकडून बँकेमध्ये जमा करण्यात आले आहे. संजय गांधी निराधार योजना, श्रावणबाळ निवृत्ती वेतन, इंदिरा गांधी वृद्धापकाळ निवृत्तिवेतन, इंदिरा गांधी विधवा योजना व इंदिरा गांधी अपंग योजनेतील सर्व पात्र व मंजूर असलेल्या ११९३८ लाभार्थींना एप्रिल व मे २०२१ या २ महिन्यांचे व श्रावणबाळ योजनेचे राहिलेल्या मार्च महिन्यासहित सर्व एकत्रित अनुदान उर्वरित अजित पवार यांचे सूचनेनुसार कोविड - १९ लॉकडाऊन मदत म्हणून एकूण दोन कोटी एकतीस लाख सत्याहात्तर हजार शंभर रुपयांचे अनुदान जमा करण्यात आले आहे.

तरी राष्ट्रवादी काँग्रेस पक्षाच्या व महाविकास आघाडीच्या सर्व कार्यकर्त्यांनी यासंबंधी आपापल्या गावातील व वार्डमधील लाभार्थींना याची कल्पना देऊन त्यांना अनुदान मिळणेसाठी सहकार्य व मदत करावी, असे आवाहन संजय गांधी निराधार योजनेचे अध्यक्ष धनवान वदक यांनी केले आहे.