मळशी येथील ४० वर्षीय व्यक्तीची नीरा येथे रेल्वेखाली आत्महत्या

नीरा नजीक पिंपरे (खुर्द) येथील रेल्वे क्रॉसिंग शेजारी ४० वर्षीय व्यक्तीने सकाळी सात वाजण्याच्या सुमारास रेल्वेखाली आत्महत्या केली.

नीरा : नीरा नजीक पिंपरे (खुर्द) येथील रेल्वे क्रॉसिंग शेजारी ४० वर्षीय व्यक्तीने मंगळवारी (दि.१०) सकाळी सात वाजण्याच्या सुमारास रेल्वेखाली आत्महत्या केल्याची घटना उघडकीस आली आहे. या घटनेची माहिती मिळताच नीरा पोलीस दूरक्षेत्राचे पोलीस कर्मचारी घटनास्थळी दाखल झाले. 

बारामतीच्या वाणेवाडी नजीकच्या मळशी येथील हंबीरराव रत्नसिंह जगताप (वय ४० वर्षे)असे या व्यक्तीचे नाव आहे. बारामतीच्या वाणेवाडी नजीकच्या मळशी येथील हंबीरराव रत्नसिंह जगताप (वय ४० ) यांनी रात्री १ वाजता मशरुम कंपनीत कामाला जातो असे सांगत घराबाहेर पडले. पुणे - कोल्हापूर रेल्वे लाईनवर रेल्वेखाली आपला जीव दिल्याचे प्रथम दर्शनी पोलिसांनी सांगितले. याबाबतचे फिर्याद मयताचे भाऊ लक्ष्मण रावसाहेब जगताप यांनी नीरा पोलीस ठाण्यात दिली आहे.

नीरा पोलीस दुरक्षेत्राचे सहाय्यक पोलीस उपनिरीक्षक सुरेश गायकवाड, संदीप मोकाशी, हरिश्चंद्र करे, निलेश जाधव, पोलीस मित्र रामभाऊ कर्णवर यांनी घटनास्थळी जाऊन जगताप यांचे नातेवाईकांना कल्पना दिली. याघटनेचा तपास जेजुरी पोलीस स्टेशनचे पोलीस निरिक्षक सुनील महाडीक यांच्या मार्गदर्शनाखाली पोलीस नाईक हरिश्चंद्र करे करत आहेत.