पंढरीनाथ महाविद्यालयास ५१ हजारांची मदत

आंबेगाव तालुक्याच्या आदिवासी भागातील श्री पंढरीनाथ महाविद्यालय हे १९८५ पासून तालुक्याच्या पश्चिम भागात शिक्षणाचे कार्य करत आहे. सुरुवातीला ८ ते १० वी पासून सुरू झालेल्या या महााविद्यालयात सध्या ५ पासून १२ वीचे वर्ग सुरू आहेत. नुकतेच या शैक्षणिक संस्थेस वरिष्ठ महाविद्यालय चालविण्यासाठी शासनाची परवानगी मिळाली असून बी.ए.,बी.कॉम व बी.एस्सी.चे वर्गही सुरू झाले आहेत. सध्या येथे महाविद्यालयाच्या इमारतीचे बांधकाम सुरू आहे. कोणताही भक्कम आर्थिक मदतीचा पर्याय समोर नसताना वर्गणी, देणगी तसेच समाजातील दानशूर व्यक्तींच्या मदतीने संस्थेने हे काम अतिशय संयामाने व धैर्याने पुढे सुरू ठेवले आहे. वेळ प्रसंगी उसनवारी करूनही या इमारतीचे बांधकाम सुरू आहे. या बांधकामाला येणाऱ्या खर्चाला हातभार लागावा या भावनेतून डॉ. साबळे यांनी मदत केली आहे.