शिरूर तालुक्यातील निर्वी येथे अपघातात साठ वर्षीय महिलेचा मृत्यू

वाहनचालक पोलिसांना अपघाताची माहिती न देताच पळून गेला

न्हावरे : निर्वी ( ता. शिरूर ) गावाच्या हद्दीत निर्वी - कोळगाव डोळस रस्त्यावर मालवाहतूक करणाऱ्या टेम्पोने दुचाकीला धडक देऊन झालेल्या अपघातात साठ वर्षीय महिलेचा मृत्यू झाला आहे.

या अपघातात विमल देवराम लांबकाने ( वय ६०, रा. येळपणे, ता. श्रीगोंदा ) यांचा मृत्यू झाला. पोलिसांनी दिलेल्या माहितीनुसार काल ( दि. २८ ) रोजी माउली लांबकाने व त्यांच्या आई विमल लांबकाने आपल्या दुचाकीवरून ( एम. एच. १६ , सी. के.९४१८ ) कोळगावहून निर्वी गावाच्या दिशेने येत असताना त्यांच्या दुचाकीला मालवाहतूक करणाऱ्या टेम्पोने ( एम. एच. १२ , एस. एक्स. ४०२५ ) धडक दिली. अपघातात विमल लांबकाने व माउली लांबकाने यांच्या डोक्याला, हाताला व पायाला गंभीर दुखापत झाली होती. त्यात विमल लांबकाने यांचा मृत्यू झाला. वाहनचालक पोलिसांना अपघाताची माहिती न देताच तो पळून गेला. वाहनचालकावर शिरूर पोलिस ठाण्यात गुन्हा दाखल करण्यात आला आहे.