सोलापुरातील भाजपचे माजी जिल्हाध्यक्ष श्रीकांत देशमुख यांच्यावर पुण्यात गुन्हा दाखल

श्रीकांत देशमुख यांचा बेडरूमधील व्हिडीओ एका महिलेने सोशल मिडियावर व्हायरल केला होता

पुणे : सोलापूर जिल्ह्यातील भाजपचे माजी जिल्हाध्यक्ष श्रीकांत देशमुख यांचा बेडरूमधील व्हिडीओ एका महिलेने सोशल मिडियावर व्हायरल केल्याने एकच खळबळ उडाली होती. या व्हिडिओत एक महिला सुरुवातीला मोबाईल कॅमेऱ्यासमोर हमसत-हमसत स्वतःचं नाव सांगते. तिच्या गळ्यात मंगळसूत्रही दिसते. नंतर आलिशान बेडरूममधील डबल बेडवर बनियनवर बसलेल्या या श्रीकांत देशमुख यांच्याकडे मोबाईलचा कॅमेरा करत म्हणते की, 'हा जो माणूस आहे, यानं मला फसवलं आहे. हा बायकोबरोबरच संबंध ठेवून माझ्याशी संबंध ठेवतोय. लग्न करतोय हा,' असे म्हणत असताना दचकलेला हा नेता ताडकन बेडवरून उठून पुढं येतो. त्यानंतर राजकीय वातावरण चांगलेच तापले आहे. आता याप्रकरणी श्रीकांत देशमुख यांच्यावर पुण्यातील डेक्कन पोलीस ठाण्यात गुन्हा दाखल झाला आहे. 

श्रीकांत देशमुख यांचा एका महिलेसोबतचा व्हिडीओ व्हायरल झाला होता. एका महिलेने हॉटेलच्या रुममध्ये फोनवर एक व्हिडीओ शूट केला होता. त्यात तिने देशमुख यांच्यावर फसवणुकीचा आरोप केला होता. हे प्रकरण विवाहबाह्य संबंधांच्या अवतीभवती असल्याचं प्राथमिकदृष्ट्या दिसून आले आहे. श्रीकांत देशमुख आणि पीडित महिला यांचं कथित संभाषण असलेली एक ऑडिओ क्लिपही सोशल मीडियावर व्हायरल झाली होती. या नंतर देशमुख यांनी पदावरचा राजीनामा दिला होता. आता यासर्व प्रकरणी पुण्यात गुन्हा दाखल झाला आहे.