कात्रज कोंढवा बायपास रोडवर ट्रकची दुचाकीला जोरदार धडक; पुतणी ठार, काका जखमी

या प्रकरणी ट्रकचालकाविरुद्ध कोंढवा पोलिस ठाण्यात गुन्हा दाखल करण्यात आला आहे...

पुणे : जुना कात्रज कोंढवा बायपास रोडवर खडी मशीन चौक येथून जात असताना सिमेंटची वाहतूक करणाऱ्या ट्रकने दुचाकीला जोरदार धडक दिली. यात दुचाकीवरून दोघेही खाली पडले. सहप्रवासी असलेल्या मुलीच्या अंगावरून ट्रकचे चाक गेल्याने मुलीचा मृत्यू झाला. या प्रकरणी ट्रकचालकाविरुद्ध कोंढवा पोलिस ठाण्यात गुन्हा दाखल करण्यात आला आहे.

याप्रकरणी नागनाथ रामचंद्र चौधरी (वय ४०, रा. जनता वसाहत, पर्वती दर्शन) यांनी फिर्याद दिली आहे. कोंढवा भागात मार्बल कारखान्याकडे वळून जात असताना ट्रकचालकाने बेदरकारपणे वाहन चालवून दुचाकीला धडक दिली. यात दोघेही दुचाकीवरून खाली पडले. फिर्यादी यांची पुतणी दीक्षा हिच्या अंगावरून ट्रक गेल्याने तिचा मृत्यू झाला, तर महेंद्र परमार जखमी झाले आहेत. सहायक पोलिस निरीक्षक बाबर पुढील तपास करीत आहेत.