Pune: भाजीपाला आणण्यासाठी गेलेल्या महिलेला डंपरची धडक, जागीच मृत्यू

डंपरने धडक दिल्याने पादचारी महिला ठार...

आळेफाटा (पुणे) : राजुरी येथे डंपरने धडक दिल्याने पादचारी महिला ठार झाल्याची घटना शनिवारी सायंकाळी सात वाजेच्या सुमारास घडली.

याबाबत आळेफाटा पोलिस स्टेशनकडून मिळालेल्या माहितीनुसार राजुरी (ता. जुन्नर) येथील अलका बाळशिराम हाडवळे (वय ५२) या आठवडी बाजारात भाजीपाला आणण्यासाठी आलेल्या असताना आळेफाटाकडून आलेल्या डंपरने धडक दिल्याने त्यांचा जागीच मृत्यू झाला.

याबाबतची फिर्याद मारुती सखाराम हाडवळे यांनी दिली असून पुढील तपास आळेफाटा पोलिस स्टेशनचे पोलिस निरीक्षक यशवंत नलावडे यांच्या मार्गदर्शनाखाली विकास गोसावी करत आहेत.