पाबळ शिक्रापूर रोडवर भीषण अपघात; माय लेकांसह युवकाचा जागीच मृत्यू

घडलेल्या घटनेबाबत संपत चंदर डोके वय ४५ रा. खडकवाडी ता. आंबेगाव जि. पुणेयांनी यांनी शिक्रापूर पोलीस स्टेशन येथे फिर्याद दिली. 

धामारी - बेल्हा जेजुरी महामार्गावर अपघातांचे प्रमाण वारंवार वाढत असताना आज रात्री सातच्या सुमारास झालेल्या अपघातात माय लेकांसह एका युवकाचा जागीच मृत्यू झाला असून संकेत दिलीप डोके, विजया दिलीप डोके व ओंकार चंद्रकांत सुक्रे असे मयत झालेल्या तिघांची नावे आहेत.

धामारी ता. शिरुर येथील शिक्रापूर पाबळ दरम्यान बेल्हा जेजुरी महामार्गावरून संकेत डोके हा त्याची आई व एका मित्रासह त्याच्या ताब्यातील एम एच १४ एच आर ७०७३ या दुचाकीहून धामारी बाजूने शिक्रापूरच्या दिशेने येत असताना शिक्रापूर बाजूने आलेल्या एम एच १४ जि यु ६८८० या टेम्पोची डोके यांच्या दुचाकीला धडक बसून अपघात झाला. यावेळी  तिघांना गंभीर मार लागल्याने संकेत दिलीप डोके वय २० वर्षे, विजया दिलीप डोके वय ४० वर्षे, ओंकार चंद्रकांत सुक्रे वय २० वर्षे तिघे रा. खडकवाडी ता. आंबेगाव जि. पुणे या तिघांचा जागीच मृत्यू झाला.

घडलेल्या घटनेबाबत संपत चंदर डोके वय ४५ रा. खडकवाडी ता. आंबेगाव जि. पुणेयांनी यांनी शिक्रापूर पोलीस स्टेशन येथे फिर्याद दिली.  असल्याने शिक्रापूर पोलिसांनी टेम्पो चालक अक्षय बबन साकोरे रा. चांडोली राजगुरूनगर ता. खेड जि. पुणे याच्या विरुद्ध गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार राजेश माने व राकेश मळेकर हे करत आहे.