कार्यकर्त्यांनी गावाच्या विकासासाठी प्रयत्न करावा : गिरीश बापट

भाजप बुथ संपर्क अभियानात निगडे येथे कार्यकर्ता मेळाव्याचे आयोजन करण्यात आले होते. या मेळाव्यास गिरीश बापट यांच्यासमवेत भाजप जिल्हाध्यक्ष गणेश भेगडे, माजी मंत्री बाळा भेगडे, पश्चिम महाराष्ट्र अध्यक्ष जालिंदर कामठे, राहुल शेवाळे, सुनील माने, विश्वास ननावरे, भोर तालुकाध्यक्ष जीवन कोंडे, महिला अध्यक्षा दीपाली शेटे, स्वाती गांधी, अशोक पांगारे, अमर बुदगुडे, डॉ. नागेंद्र चौबे, भरत डिंबळे, संतोष धावले, सुधीर शेडगे यांच्यासह भाजप पदाधिकारी व कार्यकर्ते उपस्थित होते.

यावेळी निगडे येथील विनोद चौधरी, सुनील मालुसरे, रोहिदास मालुसरे, लक्ष्मण मालुसरे, महेश मालुसरे, बाजीराव जाधव आदी सुमारे ७० कार्यकर्त्यांनी भाजपमध्ये जाहीर प्रवेश केला.

यावेळी बापट यांनी सांगितले की, निगडे गावातील भाजपमध्ये प्रवेश केलेल्या सर्व कार्यकर्त्यांनी गावच्या विकासासाठी प्रयत्न करावा, आम्ही त्यांच्या मागे आहोत. तालुकाध्यक्ष जीवन कोंडे यांनी प्रास्तविक केले. राहुल शेवाळे, बाळा भेगडे यांनी मनोगत व्यक्त केले. सूत्रसंचालन विठ्ठल पवार यांनी केले तर आभार विजय वाकडे यांनी मानले.

धांगवडी (ता. भोर) येथे भाजप बुथ संपर्क अभियानात निगडे येथे कार्यकर्ता मेळाव्यात गिरीश बापट यांच्यासमवेत भाजप पदाधिकारी व कार्यकर्ते.