प्रशासकीय भवन येथे

बारामती: भारताच्या स्वातंत्र्य दिनाच्या ७४ व्या वर्धापन दिनानिमित्त प्रशासकीय भवन, बारामती येथे प्रांताधिकारी दादासाहेब कांबळे यांच्या हस्ते ध्वजवंदन पार पडले.

याप्रसंगी बारामती पंचायत समितीच्या सभापती नीता फरांदे, एकात्मिक विकास समन्वय व पुनर्विलोकन समितीचे अध्यक्ष संभाजी होळकर, माजी उपमुख्यमंत्री यांचे खासगी सचिव हनुमंत पाटील, तहसीलदार विजय पाटील, गटविकास अधिकारी राहुल काळभोर, उपविभागीय पोलीस अधिकारी नारायण शिरगावकर, सिल्व्हर ज्युबली रुग्णालयाचे वैद्यकीय अधीक्षक डॉ. सदानंद काळे, तालुका आरोग्य अधिकारी डॉ. मनोज खोमणे, उप अधीक्षक भूमी अभिलेख गणेश कराड, सहायक निबंधक मिलिंद टांकसाळे, निवासी नायब तहसीलदार धनंजय जाधव, नायब तहसीलदार सरोदे, नायब तहसीलदार महादेव भोसले, नायब तहसीलदर पी. डी. शिंदे, नगर परिषदेचे सदस्य, आदी मान्यवर, महसूल व सर्व शासकीय विभागांचे अधिकारी, कर्मचारी, स्वातंत्र्य सैनिक, नागरिक, मोठ्या संख्येने उपस्थित होते. ध्वजवंदनानंतर प्रांताधिकारी कांबळे यांनी पोलीस पथकाची मानवंदना स्वीकारली. त्यानंतर सर्व उपस्थित मान्यवरांना स्वातंत्र्यदिनाच्या शुभेच्छा दिल्या.

बारामती येथील प्रशासकीय भवन येथे स्वातंत्र्य दिनानिमित्त ध्वजवंदन करताना प्रांताधिकारी दादासाहेब कांबळे.

१६०८२०२१-बारामती-०१

---------------------------