ओळख झाल्यावर क्लिनिकमध्ये जेवणासाठी बोलावले अन् रम पाजून केला बलात्कार; डॉक्टरवर गुन्हा दाखल

डॉक्टर आणि तरुणीची ओळख वाढत गेल्यावर स्वतःच्या क्लिनिकमध्ये जेवणासाठी बोलावले होते

पुणे : सोशल मीडियावर झालेल्या ओळखीतून एका तरूणीला क्लिनिकमध्ये बोलवले. तरूणी क्लिनीकला आल्यावर तीला रम पाजून बलात्कार केला. याप्रकरणी २० वर्षीय तरुणीने दिलेल्या फिर्यादीवरून विश्रामबाग पोलिस ठाण्यात बलात्काराचा गुन्हा दाखल करण्यात आला आहे. हा प्रकार २४ सप्टेंबर रोजी रात्री पावणे दहाच्या सुमारास नारायण पेठेतील डॉ. महापुरे याच्या क्लिनिकमध्ये घडला. शुभंकर महापुरे (२६, रा. विजया अलंकार सोसायटी, सर्वे नंबर ४, बंगला नं. १/एफ, तळजाई पठार, धनकवडी) असे आरोपी डॉक्टरचे नाव आहे.

पोलिसांनी दिलेल्या माहितीनुसार, पिडीत तरुणी आणि आरोपी महापूरेची ओळख सोशल मीडियावर झाली होती. कालांतराने त्यांची ओळख वाढत गेली. महापूरेने तिला स्वत:च्या क्लिनिकमध्ये जेवणासाठी बोलवले. तरूणी क्लिनिकला गेली असता, तीला बकार्डी नावाची रम डॉक्टरने पाजली. यामुळे तिला गुंगी आली. त्याचा गैरफायदा घेत शुभंकर महापुरेने तिच्यावर बलात्कार केला. हा प्रकार लक्षात आल्यावर पिडीत तरूणीने विश्रामबाग पोलिस ठाण्यात धाव घेत, संबंधित डॉक्टर विरोधात फिर्याद दिली. या प्रकरणाचा पुढील तपास पोलिस उपनिरीक्षक साळुंखे करत आहेत.