मुंबईनंतर आता पुण्यातही होणार फिरत्या बसमध्ये 'कोविड -१९' चाचणी
By लोकमत न्यूज नेटवर्क | Published: May 20, 2020 09:07 PM2020-05-20T21:07:56+5:302020-05-20T21:08:19+5:30
मोबाईल एक्स-रे, रक्त चाचणी, रक्तदाब, ऑक्सिजनचे प्रमाण व तापमान याची चाचणी करणार
मुंबईनंतर आता पुण्यातही होणार फिरत्या बसमध्ये 'कोविड -१९' चाचणी
पुणे : कोरोनाचा वाढता प्रादुर्भाव लक्षात घेता पुणे महापालिका व क्रस्रा डायग्नॅस्टिक्स प्रा़लि़ यांच्या संयुक्त विद्यमाने, कोविड -१९ चाचणी करिता अत्याधुनिक तांत्रिक बस तयार करण्यात आली आहे. सदर बस कोरोनाचा प्रादुर्भाव जास्त असलेल्या भागात जाऊन नागरिकांचे स्वॅब (घशातील स्त्रावाचे नमुने) संकलन चाचणी करणार आहे. तसेच मोबाईल एक्स-रे, रक्त चाचणी, रक्तदाब, ऑक्सिजनचे प्रमाण व तापमान याची चाचणी करणार आहे.
मुंबईनंतर आता पुण्यामध्ये प्रथमच या फिरत्या बसमध्ये कोविड- १९ चाचणी होणार आहे. महापौर मुरलीधर मोहोळ, उपमहापौर सरस्वती शेंडगे, महापालिका आयुक्त शेखर गायकवाड, अतिरिक्त आयुक्त रूबल अगरवाल यांच्यासह आदी अधिकारी व पदाधिकाºयांच्या उपस्थितीत, या कोरोना संशयित रूग्णांची चाचणी करणाºया अत्याधुनिक उपकरणासहित वातानुकुलित फिरत्या बसचे लोकार्पन करण्यात आले.
