तरुणाने पत्नीला ५० वर्षीय पुरुषासोबत फिरताना रंगेहाथ पकडलं; दोघांनी मिळून त्यालाच मारलं!

दर प्रकार कोंढव्यातील बिस्मिला हॉलजवळील कम्युनिटी सोसायटीसमोर मंगळवारी साडेचार वाजता घडली.

पुणे: पत्नीच्या चारित्र्याचा त्याला संशय होता. त्यामुळे पत्नी कोठे जाते, याबाबत त्याने तिचा पाठलाग केला. तेव्हा एका ५० वर्षाच्या व्यक्तीबरोबर आपली २१ वर्षाची पत्नी जात असल्याचे त्याला आढळून आले. त्याने दोघांना रंगेहाथ पकडले. त्याने जाब विचारल्यावर दोघांनी मिळून या तरुणाला बेदम मारहाण करुन जखमी केले.

सदर प्रकार कोंढव्यातील बिस्मिला हॉलजवळील कम्युनिटी सोसायटीसमोर मंगळवारी साडेचार वाजता घडली. याप्रकरणी कोंढव्यात राहणार्या ३१ वर्षाच्या तरुणाने कोंढवा पोलीस ठाण्यात फिर्याद दिली आहे. त्यावरुन पोलिसांनी ५० वर्षाची व्यक्ती व फिर्यादीच्या पत्नीविरोधात गुन्हा दाखल केला आहे. याबाबत पोलिसांनी दिलेल्या माहितीनुसार, फिर्यादीला त्याच्या पत्नीवर संशय होता. फिर्यादी यांची पत्नी घरातून बाहेर पडल्यावर तो तिचा पाठलाग करुन लागला. पत्नी एका व्यक्तीबरोबर जात होती. त्याने या दोघांना बिस्मिला हॉल कम्युनिटी सोसायटीच्या समोर अडवले. 

पत्नी व त्या व्यक्तीला तुम्ही दोघे कुठे जाता, असे विचारले. याचा राग येऊन पत्नीने फिर्यादीला हाताने मारहाण करण्यास सुरुवात केली. तिच्याबरोबरील व्यक्तीने दगडाने मारहाण करुन जखमी केले. कोंढवा पोलिसांनी दोघांवर गुन्हा दाखल केला आहे. कोंढवा पोलीस तपास करीत आहेत.