आंबेडकर म्हणजे प्रेरणाशक्ती : बाणखेले

कोरोना संकटकाळ असल्याने मंचर येथील डॉ.बाबासाहेब आंबेडकर सांस्कृतिक भवन येथे महामानव डॉ. बाबासाहेब आंबेडकर यांची १३० वी जयंती साधेपणाने साजरी करण्यात आली. या कार्यक्रमासाठी मंचर गावचे उपसरपंच युवराज बाणखेले व मंचर पोलीस ठाण्याचे पोलिस उपनिरीक्षक अर्जुन शिंदे यांच्या हस्ते डॉ. आंबेडकर यांच्या प्रतिमेला पुष्पहार अर्पण केले. या प्रसंगी शरद सहकारी बँकेचे संचालक दत्ता थोरात, राष्ट्रवादी काँग्रेसचे युवा नेते सचिन बाणखेले, राजेंद्र थोरात, प्रवीण मोरडे, बाजीराव मोरडे, सुहास बाणखेले, बाळासाहेब बाणखेले, संजय काळे आदीनी कार्यक्रमाच्या ठिकाणी महामानवाला अभिवादन केले.

सकाळी १० वाजता पूजा व प्रतिमा पूजन बौद्धचार्य -राहुल ओव्हाळ यांच्या हस्ते करण्यात आले. कार्यक्रमाचे आयोजन संतोष देठे ,प्रकाश देठे,फकिरा देठे, बाळासाहेब देठे, महेंद्र देठे, देवानंद देठे, निलेश देठे, सचिन देठे, मायाताई देठे, सोनाबाई देठे, विजया देठे, विनोद भालेराव, दादू भालेराव, नरेंद्र रोकडे, सचिन देठे, राहुल देठे यांनी केले होते. आभार दत्ता थोरात यांनी मानले.