तळेगाव ढमढेरे सरपंचपदी अंकिता भुजबळ, उपसरपंचपदी नवनाथ ढमढेरे

तळेगाव ढमढेरे येथील ग्रामपंचायत निवडणूक श्री भैरवनाथ मुळोबा,जय मल्हार ग्रामविकास पॅनलचे जिल्हा राष्ट्रवादी काँग्रेसचे उपाध्यक्ष बाळासाहेब नरके यांच्या नेतृत्वाखाली झाली. गुप्त मतदान पद्धतीने सरपंच,उपसरपंच पदासाठी झालेल्या निवडणुकीत सरपंच पदासाठी अंकिता भुजबळ व रोहिणी तोडकर तर उपसरपंच पदासाठी नवनाथ ढमढेरे,संतोष ढमढेरे व सचिन ढमढेरे यांनी अर्ज दाखल केले होते. सचिन ढमढेरे यांनी अर्ज माघारी घेतला. निवडणुकीत अंकिता भुजबळ यांना १० तर रोहिणी तोडकर यांना ७ मते मिळाली. उपसरपंच पदासाठी नवनाथ ढमढेरे यांना १० तर संतोष ढमढेरे यांना ७ मते मिळाली

गीताई मंगल कार्यालयात नवनिर्वाचित सरपंच उपसरपंच व सदस्यांचा ग्रामस्थांच्या वतीने सत्कार करण्यात आला.यावेळी सुभाषनाना ढमढेरे,सुदाम भुजबळ,श्रीपती भुजबळ,शिवाजीराव भुजबळ,अरुण भुजबळ,माजी सरपंच पोपट भुजबळ,अनिल भुजबळ ,विश्वास ढमढेरे, सुदीप गुंदेचा,रमेश भुजबळ,बाळासाहेब लांडे,विजय ढमढेरे,संदीप ढमढेरे,प्रफुल्ल अल्हाट आदी मान्यवर उपस्थित होते.

फोटो ओळ: तळेगाव ढमढेरे येथे सरपंच अंकिता भुजबळ तर उपसरपंच नवनाथ ढमढेरे यांची बहुमताने निवड झाल्याबद्दल ग्रामस्थांच्यावतीने सत्कार करण्यात आला.