श्री महागणपतीला ३५१ खरबूजांची आकर्षक आरास

अष्टविनायक तीर्थक्षेत्र श्री क्षेत्र रांजणगाव गणपती देवस्थान ट्रस्टच्या वतीने पहाटे ५ वा. अभिषेक व नैमित्तिक पूजा करण्यात आली.

देवस्थानच्या वतीने दुपारी १२ वा. महापुजा व महानैवेद्य करण्यात आला. संकष्टी चतुर्थीच्या निमित्ताने माजी मुख्य विश्वस्त स्व. वसंत मोरेश्वर देव यांच्या स्मरणार्थ ओंकार नितीन देव यांसकडून श्री महागणपतीस अर्पण केलेल्या ३५१ खरबूजांची आरास करण्यात आली. तसेच दर चतुर्थी प्रमाणे या चतुर्थीलाही प्रगतशील शेतकरी नानासाहेब दिनकर पाचुंदकर यांच्या वतीने मंदिर परिसरात फुलांची आकर्षक सजावट करण्यात आली. असे विश्वस्त डॉ. संतोष दुंडे यांनी सांगितले. यावेळी देवस्थान ट्रस्टचे विश्वस्त डॉ. संतोष दुंडे, प्रा. नारायण पाचुंदकर, अँड. विजयराज दरेकर, व्यवस्थापक बाळासाहेब गोऱ्हे, हिशोबणीस संतोष रणपिसे तसेच पुजारी मकरंद कुलकर्णी व पुजारी प्रसाद कुलकर्णी उपस्थित होते.

कोरोना विषाणूचा प्रसार व प्रादुर्भाव रोखण्यासाठी शासन निर्णयानुसार प्रतिबंधात्मक उपाय म्हणून मंदिर भाविकांना दर्शनासाठी पूर्णपणे बंद असून "श्रीं" ची दैनंदिन पूजा, धार्मिक विधी नित्यनियमाने सुरू असल्याचे विश्वस्त प्रा. नारायण पाचुंदकर यांनी सांगितले.

संकष्टी चतुर्थीनिमित्ताने श्री महागणपतीला खरबूजांची आरास करण्यात आली होती.