बा.... विठ्ठला मनावर घ्या, सरकारला बुद्धी द्या..

दिवे घाटाच्या माथ्यावरील विठ्ठलमूर्तीच्या पायाजवळ अनोखे आंदोलन

सासवड: कर्जाचे हप्ते भरण्यासाठी मुदत मिळावी, शाळेच्या फीमध्ये सवलत मिळावी या मागणीसाठी सरकारकडे वेळोवेळी पाठपुरावा करूनदेखील सरकार दुर्लक्ष करत असल्याने आंदोलकांनी थेट दिवे घाटाच्या माथ्यावरील विठ्ठलमूर्तीच्या पायाजवळ अनोखे आंदोलन करीत विठ्ठलाचे पाय धरले.

दिवे घाट ( ता. पुरंदर ) येथील विठ्ठल मूर्तीच्या पायावर क्रांतीकारी आवाज संघटना व सारथी वाहतूक आघाडीच्या कार्यकर्त्यांनी निवेदन देऊन.. बा... विठ्ठला मनावर घ्या, सरकारला बुद्धी द्या.. अशी विनवणी केली आहे.

या आंदोलनात क्रांतिकारी संघटनेचे संस्थापक मच्छिंद्र टिंगरे, युवक अध्यक्ष सागर पोमण, करण कोळी, योगेश कांबळे, सोमनाथ जाधव हे कार्यकर्ते उपस्थित होते.

दिवे घाट ( ता. पुरंदर ) येथील विठ्ठलमूर्तीच्या पायाजवळ अनोखे आंदोलन.