बापूसाहेब भेगडे यांच्या खुनाचा कट

संत तुकाराम सहकारी साखर कारखान्याचे उपाध्यक्ष व तळेगाव दाभाडे नगर परिषदेचे राष्ट्रवादीचे नेते बापूसाहेब भेगडे यांच्या खुनाचा कट पुणे ग्रामीण पोलिसांच्या स्थानिक गुन्हे अन्वेषण शाखेने उधळून लावला.

पिंपरी : संत तुकाराम सहकारी साखर कारखान्याचे उपाध्यक्ष व तळेगाव दाभाडे नगर परिषदेचे राष्ट्रवादीचे नेते बापूसाहेब भेगडे यांच्या खुनाचा कट पुणे ग्रामीण पोलिसांच्या स्थानिक गुन्हे अन्वेषण शाखेने उधळून लावला.
भेगडे यांच्या खुनानंतर कोर्टाच्या कामासाठी पैशांची आवश्यकता भासणार असल्याने तळेगाव येथील जुन्या मुंबई-पुणे महामार्गावरील पेट्रोल पंप लुटण्याच्या तयारीत असताना १२ आरोपींना हत्यारासह अटक केली. यातील दोघे जण फरार आहेत, अशी माहिती पोलीस निरीक्षक वसंत बाबर यांनी दिली. वडगाव न्यायालयाने बाराही आरोपींना १९ सप्टेंबरपर्यंत पोलीस कोठडीचे आदेश दिले.
मयूर उर्फ बंटी नामदेव टकले (वय २८, रा. तळेगाव दाभाडे), जावेद उर्फ बाबा अब्दुल बागेवाडी (३८, रा. आकुर्डी), अखिलेश काळूराम गायकवाड (२३, रा. जांबे), सचिन सुरेश गरुड (२७, रा. तळेगाव दाभाडे), शंकर सत्यनारायण भालके (२२, रा. तळेगाव दाभाडे), रोहन उर्फ सनी चंद्रकांत गरुड (२७, रा. शनिवार पेठ, तळेगाव दाभाडे), निखिल गुलाब घोडके (२६, रा. लिटिल हार्ट, तळेगाव दाभाडे), अविनाश उर्फ बुटल्या राजू भालेकर (२३, रा. साने आळी, तळेगाव दाभाडे),अहमद उर्फ शाहीद चॉँद शेख (२१, रा. वडगाव मावळ), व्यंकटेश उर्फ नाना केशू राठोड (२१, रा. तळेगाव दाभाडे), अजिंक्य महादेव सरोदे (२३, रा. तळेगाव दाभाडे), आदित्य गणेश भेगडे (२०, रा. तळेगाव दाभाडे)
अशी अटक आरोपींची नावे
आहेत. हेमंत उर्फ सोन्या बाबूराव बडदे (रा. चिखली), बाळू पंढरीनाथ टकले (रा. तळेगाव दाभाडे) हे आरोपी पळून गेले आहेत. (प्रतिनिधी)