बिबवेवाडीत वाहतुक सहाय्यक फौजदाराला शिवीगाळ करत धक्काबुक्की

सहाय्यक फौजदाराला शिवीगाळ करत धक्काबुक्की केल्याची धक्कादायक घटना

पुणे : बिबवेवाडीमध्ये रस्त्यावर डबल पार्किंग वाहतुकीला अडथळा होईल अशा पध्दतीने लावलेल्या दुचाकीवर कारवाई करत असताना सहाय्यक फौजदाराला शिवीगाळ करत धक्काबुक्की केल्याची धक्कादायक घटना घडली. हा प्रकार रविवारी ( दि. ९) सायंकाळी साडेपाच वाजण्याच्या घडला.  या घटनेप्रकरणी सहायक फौजदार एस. पी. मोरे यांनी बिबवेवाडी पोलीस ठाण्यात फिर्याद दिली आहे.
या धक्कादायक घटनेप्रकरणी आरोपी बापू साबळे (रा. चैत्रबन सोसायटी, बिबवेवाडी) याच्याविरुद्ध बिबवेवाडी पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, बिबवेवाडी पोलीस स्टेशनचे हद्दीमध्ये रविवारी सायंकाळी साडेपाच वाजण्याच्या सुमारास तृप्ती हॉटेलच्या समोरील रोडवर डबल पार्किंग वाहतुकीस अडथळा होईल अशा पध्दतीने लावलेल्या होत्या. त्या दुचाकीवर कारवाई करत असताना आरोपीने सहाय्यक फौजदारासोबत शिवीगाळ करुन आरडाओरडा केला.  तसेच आरोपीने तुझी नोकरी घालवितो, थांब तुला मी कोण आहे तुला माहीत नाही; तु माझी गाडी घेवुन जाऊ नकोस असे म्हणुन गाडी घेवून जाण्यास अटकाव केला. त्याने सहाय्यक फौजदार यांच्या शर्टची कॉलर पकडत धक्काबुक्की करण्याचा प्रयत्न करुन गोंधळ घालून सरकारी कामात अडथळा निर्माण केला आहे.या घटनेचा पुढील तपास बिबवेवाडी पोलीस ठाण्याचे पोलिस उपनिरीक्षक यश बोराटे करत आहेत.