बेलवाडीत चड्डी गँग चोरट्यांच्या धुमाकुळ

बेलवाडी(ता. इंदापुर)येथे सोमवारी पहाटे तीनच्या सुमारास पाच घरांवर पाच ते सहा जणांच्या चड्डी गँग चोरट्यांच्या टोळीने धुमाकुळ घालुन सोने दागीन्याची चोरी केली,मात्र ग्रामसुरक्षा यंत्रणेद्वारे गावातील तरुणांना माहिती मिळताच चोरट्यांनी पळ काढला .

सीसीटीव्ही कँमेरामध्ये सर्व आरोपी कैद झाले आहेत

अधिक माहीतीनुसार अधिक जाधव, बायडाबाई माने , नाना जाधव, तुकाराम भोसले,आणि किशोर हुंबे यांच्या घरी चोरी करण्याचा प्रयत्न झाला. पहाटेच्या दरम्यान बेलवाडी गावात हा थरार झाला.यामध्ये काही सोन्याचे दागीने व रोख रक्कम गेली आहे. गावातील लोकांच्या निदर्शनास येताच त्यांनी पोलीस पाटील बाळासाहेब गायकवाड यांच्या माध्यमातुन ग्रामसुरक्षा यंत्रणेद्वारे गावातील तरुणांना माहिती दिली. .

बेलवाडी गावात चोरट्यांनी जाधव यांच्या घराकडे पहिल्यांदा जावुन दरवाजा तोडून घरात प्रवेश केला. तेथे त्यांनी सोन्याचे दागिने चोरले नंतर नाना जाधव यांच्या घरात जावुन तेथे त्यांनी सोन्याचे दागिने चोरले.यावेळी सर्व झोपेत होते मात्र बायडाबाई माने यांच्या घरात चोरटे गेल्यानंतर त्यांना जाग आली. यावेळी त्यांना चोरटे आल्याची कल्पना आली त्यानंतर ही टोळी तुकाराम भोसले यांच्या घराकडे वळाली तेथे त्यांना दरवाजा तोडता आला नाही. त्यामुळे ते किशोर हुंबे यांच्या घराकडे वळाले. तेथे हुंबे यांना जाग आली हुंबे यांनी तत्परता दाखवून पोलीस पाटील गायकवाड यांना संपर्क साधला. त्यांनी ग्राम सुरक्षा यंत्रणेला फोन केला. ग्रामसुरक्षा यंत्रणेचा फोन जाताच गावातील तरुण जागे होऊन सतर्क झाले व या घरांकडे त्यांनी धाव घेतली.

त्यामुळे चोरट्यांनानी धूम ठोकली