कुऱ्हाडवाडी रस्त्याच्या कामाचे भूमिपूजन

निमोणे दि . (वार्ताहर ) : निमोणे (ता. शिरूर ) येथील कुऱ्हाडवाडी रस्त्याचा भूमिपूजन समारंभ नुकताच संपन्न झाला. निमोणे - शिंदोडी रस्ता ते कुऱ्हाडवाडी या नवीन रस्त्याच्या कामाचा भूमिपूजन समारंभ नुकताच झाला. शिरूर लोकसभा मतदार संघाचे खासदार डॉ. अमोल कोल्हे यांच्या फंडातून या कामासाठी २० लाख रुपयांचा निधी प्राप्त झाला आहे. या रस्त्यामुळे अनेक दिवसांपासून रस्त्याच्या प्रतीक्षेत असणाऱ्या ग्रामस्थांची सोय होणार आहे. या भूमिपूजन समारंभप्रसंगी शिरूर लोकसभेचे खासदार डॉ. अमोल कोल्हे, आमदार अशोक पवार, शिरूर तालुका पंचायत समितीच्या सभापती मोनिका ताई हरगुडे , जिल्हा परिषद सदस्या मोनिका हरगुडे ,काँग्रेस पार्टीचे अध्यक्ष रवींद्र काळे, मार्केट कमिटीचे उपसभापती विकास शिवले , ग्रामपंचायत सदस्य संजय काळे , प्रशांत अनुसे , माजी सरपंच बबनराव अनुसे , ग्राम सेवक लहू जगदाळे यांसह ग्रामस्थ उपस्थित होते .

कु-हाडवाडी (ता शिरूर ) येथील नुतन रस्त्यच्या भूमिपूजन प्रसंगी मान्यवर .