SSC Result: मोठी बातमी! अखेर प्रतीक्षा संपली, दहावीचा निकाल २ जूनला जाहीर हाेणार
By प्रशांत बिडवे | Published: June 1, 2023 01:39 PM2023-06-01T13:39:14+5:302023-06-01T13:52:09+5:30
मार्च २०२३ परीक्षा दिलेल्या विद्यार्थ्यांना विषयनिहाय मिळालेले गुण या संकेतस्थळांवरुन पाहता येतील तसेच गुणांची प्रिंट आउट घेता येईल
SSC Result: मोठी बातमी! अखेर प्रतीक्षा संपली, दहावीचा निकाल २ जूनला जाहीर हाेणार
Next पुणे : महाराष्ट्र राज्य माध्यमाइक व उच्च माध्यमिक शिक्षण मंडळाच्या मार्च २०२३ मध्ये घेण्यात आलेल्या दहावी परीक्षेचा निकाल शुक्रवार दि २ जून रोजी ऑनलाईन पद्धतीने संकेतस्थळावर दुपारी १ वाजल्यानंतर जाहीर करण्यात येणार आहे. अशी माहिती राज्य शिक्षण मंडळाच्या सचिव अनुराधा ओक यांनी दिली.
विद्यार्थ्यांना १. www.mahresult.nic.in २. http://sscresult.mkcl.org ३. https://ssc.mahresults.org.in या अधिकृत संकेतस्थळावर निकाल पाहता येईल. मार्च २०२३ परीक्षा दिलेल्या विद्यार्थ्यांना विषय निहाय मिळालेले गुण या संकेतस्थळांवरुन पाहता येतील तसेच गुणांची प्रिंट आउट घेता येईल.
राज्य मंडळाची इयत्ता दहावीची परीक्षा २ मार्च २०२३ ते २५ मार्च २०२३ या कालावधीत पार पडली. दहावीच्या परीक्षेला राज्यातून १५ लाख ७७ हजार २५६ विद्यार्थी बसले होते. त्यात ८ लाख ४४ हजार ११६ मुले आणि ७ हजार ३३ हजार ०६७ मुलींचा समावेश होता.राज्यभरातील ५ हजार ३३ केंद्रांवर दहावीची परीक्षा झाली होती.