दुचाकी चोरट्यास अटक तीन दुचाकी हस्तगत

लक्ष्मीकांत संभाजी वाघमारे (रा. सणसवाडी) असे अटक केलेल्याचे नाव आहे.

याबाबत पोलिसांनी दिलेली माहिती अशी की, लोणीकंद पोलीस ठाण्याच्या हद्दीमध्ये पोलीस अधिकारी गस्त घालत असताना वाघोली केसनंद फाटा चौकामध्ये पार्क असलेल्या टू व्हिलर गाडी जवळ एक इसम घुटमळत असून हॅण्डल लावून लॉक चेक करत असल्याची माहिती पोलीस अंमलदार अमोल ढोणे यांना माहिती मिळाली होती. त्यानुसार ढोणे त्याठिकाणी गेल्यावर संबंधित व्यक्तीने पळ काढला मात्र ढोणे यांनी त्याचा पाठलाग करून त्याला पकडले. त्याला पोलिसी खाक्या दाखवून चौकशी केल्यावर त्याने आजपर्यंत रायसोनी कॉलेज वाघोली येथून एक पल्सर गाडी, ज्ञानेश्वर हॉटेल पेरणे फाटा येथून ॲक्टिव्हा गाडी, तसेच आपले घर सोसायटी सणसवाडी येथून एक बजाज पल्सर गाडी चोरी केल्याचे कबूल केले. पोलिसांनी या तिनही गाड्या तातडीने ताब्यात घेतल्या.

सदर कामगिरी अप्पर पोलीस आयुक्त पूर्व प्रादेशिक विभाग चव्हाण, पोलीस उपायुक्त परिमंडळ पंकज देशमुख, सहायक पोलीस आयुक्त येरवडा किशोर जाधव, लोणीकंद पोलीस स्टेशनचे पो नि गजानन पवार, राजेश तटकरे, यांच्या मार्गदर्शनाखाली तपास पथक प्र, पों, उपनिरीक्षक सुरज गोरे, सकाटे, अजित फरांदे, कैलास साळुंखे, विनायक साळवे, प्रशांत कर्णवर, समीर पिलाने, बाळासाहेब तनपुरे, सागर शेडगे, पांडुरंग माने, यांनी कामगिरी केली,