Video: पुण्यात नवले पुलाजवळ भीषण अपघात; दोन महिला जागीच ठार तर चार जण गंभीर

धायरी: मुंबई- बंगळुरू महामार्गावर नऱ्हे येथील नवले पुल परिसरातील सेल्फी पॉइंट जवळ झालेल्या विचित्र अपघातात दोन महिलांचा मृत्यू झाला असून चार जण गंभीर जखमी झाले आहेत. ही घटना गुरुवारी सायंकाळी पाच वाजणेच्या सुमारास घडली. 

सातारा दिशेकडून मुंबई दिशेकडे निघालेल्या एका कंटेनरने पिकअप वाहनाला धडक दिली. त्यामुळे पिकअप वाहनचालकाचे वाहनावरील नियंत्रण सुटल्याने तीन दुचाकींना त्याची धडक बसली. कंटेनरने पिकअपला धडक दिल्यानंतर न थांबता पुढील दोन-तीन वाहनांना धडक दिली. जखमींना नऱ्हे गावाचे उपसरपंच सागर भूमकर, डॉ. एन बी आहेर व कार्यकर्त्यांनी  उपचारासाठी जवळच्या रुग्णालयात दाखल करण्यात आले आहे. घटनास्थळी बघ्यांची गर्दी जमल्याने वाहतूक कोंडी झाली आहे. 

पुण्यात मुंबई-बंगळुरू महामार्गावर नवले पुलाजवळ भीषण अपघात; एका महिलेचा मृत्यू तर पाच जण गंभीर जखमी#Pune#Accidents#punenewspic.twitter.com/HVI36AtdLf

— Lokmat (@MiLOKMAT) October 21, 2021

परिसरात घडतात नेहमीच अपघात.... 
नवीन कात्रज बोगदा पार केल्यानंतर पुण्याच्या दिशेने जाताना तीव्र उतार असल्याने सुसाट जाणाऱ्या मालवाहतूक वाहनांना ब्रेक लागणे अशक्य होते. ब्रेक फेल झाल्याने या परिसरात वारंवार अपघात होऊन अनेकांना जीव गमवावा लागला आहे. मात्र याबाबत राष्ट्रीय महामार्ग प्रशासन हे उपाययोजना करण्याऐवजी फक्त बघ्याची भूमिका घेत असल्याचा आरोप आरोप स्थानिक नागरिकांनी केला आहे.