रक्तदान शिबिर उपक्रम कौतुकास्पद : ज्ञानेश्वर कटके

रोटरी क्लब ऑफ वाघोली आणि वाघोली हाऊसिंग सोसायटीज असोसिएशनतर्फे उत्सव रेसिडेन्सी, आव्हाळवाडी रोड येथे ससून सर्वोपचार रुग्णालय रक्तपेढीद्वारे आयोजित रक्तदान शिबिराचे उद्घाटन ज्ञानेश्वर कटके यांच्या हस्ते करण्यात आले. यावेळी ते बोलताना म्हणाले की, सध्या सर्वच रक्तपेढ्या आणि रुग्णालयात रक्ताचा तुटवडा निर्माण झाला आहे. यामुळे शस्त्रक्रिया होऊ शकत नाहीत. या पार्श्वभूमीवर रक्त संकलनास अशी शिबिर हा खूप मोठा आधार ठरत आहे.

या शिबिरास जि. प. सदस्य कटके यांच्यासह, गणेश गोगावले, पिंटू कटके, बाळासाहेब सातव, उत्सव रेसिडेन्सीचे चेअरमन रमेश सातव, सचिव पानस्कर, गोकुळ वाडे , वाघोली रोटरी क्लबचे अध्यक्ष तथा वाघोली हाऊसिंग सोसायटीज असोसिएशनचे संचालक संजीव कुमार पाटील, रोटरी क्लबचे उपाध्यक्ष सिराज दोकाडीया, वाघोली हाऊसिंग सोसायटीज असोसिएशनचे सदस्य आदित्य सरोहा, योगेश सूर्यवंशी, अजय परदेशी, सचिन सोनवणे, हरचरणजित बुटालिया, संदेश लोखंडे या मान्यवरांसह सदस्य, सभासद आणि पदाधिकारी परिसरातील नागरिक मोठ्या संख्येने उपस्थित होते.