उसने पैस्याच्या वसूलीवरून मारहाण

इनामगाव (ता. शिरूर) येथे उसने पैसे देत नसल्याच्या रागातून माय लेकावर हल्ला केल्याप्रकरणी चार जणांवर शिरूर पोलीस स्टेशन येथे गुन्हा दाखल करण्यात आला. ही घटना १८ एप्रिल रोजी सायंकाळी सहा वाजता घडली. आकाश लक्ष्मण रणसोरे, विकास लक्ष्मण रणसौरे, लक्ष्मण परशुराम रणसौरे, सुमन लक्ष्मण रणसौरे असे गुन्हा दाखल झालेल्यांची नावे आहेत.

शिरूर पोलिसांनी दिलेली माहिती पुढील प्रमाणे फिर्यादीवरून दत्तोबा आसोरे यांच्या घरासमोर चौघे आरोपी हे त्यांच्या गाडीतून आले व माझे घेतलेले पैसे कधी देणार असे म्हणत शिवीगाळ करून लोखंडी गजाने फिर्यादीच्या डोक्यात मारली. यावेळी दत्तोबा यांच्या आई हिराबाई हे भांडण सोडवण्यात आले तेव्हा आरोपींनी त्यांनाही लाकडाने त्यांच्या हातावर व पोटावर मारहाण करून जखमी केले.

यात फिर्यादी व त्याची आई जखमी झाले असून शिरूर पोलीस स्टेशन येथे फिर्याद दाखल केली आहे. शिरूर पोलीस स्टेशन येथे चार आरोपीवर गुन्हा दाखल करण्यात आला असून, पुढील तपास शिरूर पोलिस स्टेशनचे पोलीस निरीक्षक प्रवीण खानापुरे यांच्या मार्गदर्शनाखाली सुरू आहे.