जीवे ठार मारण्याचा प्रयत्न करून दहशत पसरविल्याप्रकरणी दोघांना अटक

पुणे : ‘दो मिनिट ठहर मैं तेरेको देखता हूं’ असे म्हणत दोघांवर लोखंडी कोयत्याने वार करून गंभीर जखमी करीत दहशत पसरविल्याप्रकरणी खडक पोलिसांनी दोघांना अटक केली आहे. लोहियानगर परिसरात गुरुवारी (दि.२६) रात्री १२.३० वाजता हा प्रकार घडला.

जुबेर ऊर्फ वडी मुश्ताक शेख (वय २०, रा. ४०७, लोहियानगर) आणि आकीब असद दुल्लाह शेख (वय २१, रा. कोंढवा) अशी अटक केलेल्यांची नावे आहेत. तर आणखी दोघांवर गुन्हा दाखल करण्यात आला आहे. मिठानगर कोंढवा भागातील २३ वर्षीय तरुणाने फिर्याद दिली आहे. पोलिसांनी दिलेल्या माहितीनुसार, फिर्यादी हे त्यांच्या मित्रासह गप्पा मारत बसले होते. आरोपी जुबेर हा फिर्यादीकडे रागाने पाहत होता. फिर्यादीने त्याला रागाने का बघतोस? असे विचारले असता जुबेरने त्याच्या मित्रांना ‘आज तेरा और सलमान का हिसाब खत्म करता हू’ असे म्हणत त्यांना जीवे ठार मारण्याच्या उद्देशाने हातातील लोखंडी कोयत्याने त्यांच्या हात, डोकं आणि डोळ्याच्या डाव्या बाजूस वार केले. आरोपी पळून जात असताना त्यांनी मोठमोठ्याने आरडाओरड करीत दहशत पसरविण्याचा प्रयत्न केला. त्यामुळे नागरिकांनी घराची दारे खिडक्या बंद केली. सहायक पोलीस निरीक्षक व्ही. एस. जाधव पुढील तपास करीत आहेत.

--------------------