वीरपत्नींसोबत भाऊबीज

पुणे : ''''''''सैनिक हो तुमच्यासाठी'''''''', ''''''''जब देशमे थी दीवाली'''''''' अशी गाणी ख-या अर्थाने जगणा-या शहीद व बेपत्ता सैनिकांच्या वीरपत्नींसोबत पुण्यातील सैनिक मित्रांनी भाऊबीज साजरी केली. प्रपंचाची दुसरी लढाई समर्थपणे सांभाळणा-या सैनिकांच्या वीरपत्नी या कार्यक्रमाने भारावून गेल्या.

सैनिक मित्र परिवारतर्फे वानवडी येथील वीरस्मृती या शहीद व बेपत्ता सैनिकांच्या पुनर्वसनासाठी बांधलेल्या जागेत ''''''''वीरपत्नींसोबत भाऊबीज'''''''' हा कार्यक्रम आयोजित करण्यात आला होता. यावेळी अभिनेते राहुल सोलापूरकर, लोकमान्य मल्टीपर्पज सोसायटीचे समन्वयक भालचंद्र कुंटे, मुरलीधर घळसासी, शाहीर हेमंत मावळे, आनंद सराफ आदी उपस्थित होते. गिरीश पोटपोडे, एडवीन रॉबर्ट, अजित पिंपळे, भारत खळदकर यांनी कार्यक्रमाच्या आयोजनात सहभाग घेतला.