शेतकऱ्यांना मालक करण्यासाठी कायदे आणले

हडपसर : शेतकऱ्याला त्याचा मालाचा आणि शेतीचा मालक करण्यासाठी मोदींनी हे कायदे आणले आहेत. काही लोकं कृषी कायद्यासंदर्भात दुट्टपी भूमिका घेत आहे, अशी टिका विरोधी पक्ष नेते देवेंद्र फडणवीस यांनी केली.

केंद्र सरकारने मंजुर केलेल्या तीन कृषी विधेयक कायद्यावरुन सध्या देशात अंसतोष निर्माण झालेले आहे. दिल्लीत या कायद्याविरोधात शेतकऱ्यांचे आंदोलन सुरु आहे. या विधेयकाच्या समर्थनार्थ भाजपच्यावतीने देशभरात शेतकऱ्यांशी संवाद साधला जात आहे. विधानसभेचे विरोधी पक्ष नेते देवेंद्र फडणवीस यांच्या नेतृत्वाखाली पुण्यातील मांजरी येथे शेतकऱ्यांशी संवाद साधला.

यावेळी बैलगाडीमधून रॅली काढण्यात आली. माजी सहकारमंत्री हर्षवर्धन पाटील, माजी आमदार जगदीश मुळीक, राहुल कुल, सिध्दार्थ शिरोळे, बाबुराव पाचारणे, बापूसाहेब पठारे, योगेश टिळेकर उपस्थित होते.

फडणवीस म्हणाले, कंत्राटी शेती करताना काही वाद झालेत तर शेतकऱ्यांना आता कोर्टात जाता येणार आहे. हे या कायद्यात आहे. राज्यातील सरकारने पीक विमा योजना बासनात गुंडाळून ठेवली. केळीच्या शेतकऱ्यांसाठी असणाऱ्या विम्याचे या सरकारने बदलल्यामुळे केळी उत्पादक शेतकऱ्यांना आता मदत मिळाली नाही.

चौकट

राजा उदार नाही तर उधार झाला आणि हाती भोपळा आला

मुख्यमंत्री उद्धव ठाकरे हे शेतकऱ्यांच्या बांधावर गेले होते. तेव्हा ५० हजार रूपये हेक्टरी देऊ असे म्हटले होते. तर बागायत शेतकऱ्यांना दीड लाख रुपये देऊ, असे उपमुख्यमंत्री अजित पवार म्हणाले होते. मात्र, प्रत्यक्षात ८ हजार रूपये दिले आहेत. त्यामुळे ‘राजा उदार नाही तर उधार झाला आणि हाती भोपळा आला'''''''' अशी स्थिती झाली आहे. प्रामाणिकपणे कर्जफेड करणाऱ्या शेतकऱ्यांना ठेंगा दाखविण्याचे काम या सरकारने केले आहे, अशा शब्दांत राज्य सरकारवर टीका केली.

फोटो : केंद्र सरकारने केलेल्या कृषी कायद्याच्या समर्थनार्थ विरोधी पक्ष नेते देवेंद्र फडणवीस यांच्या नेतृत्वाखाली पुण्यातील मांजरी येथे शेतकऱ्यांशी संवाद यात्रा काढण्यात आली.