Pune: गाडीच्या बोनेटवर बसून तलवारीने कापला केक, पुण्यात गावगुंडांचा धिंगाणा

हर्ष कदमने तलवारीने केक कापून वाढदिवस साजरा केला...

धनकवडी (पुणे) : गाडीच्या बोनेटवर बसून तरुणाने तलवारीने केक कापल्याचा प्रकार उघडकीस आला आहे. धनकवडी येथील फाईव्ह स्टार सोसायटीमध्ये हर्ष कदमने तलवारीने केक कापून वाढदिवस साजरा केला. या प्रकरणी पोलिसांनी त्याला ताब्यात घेतलं आहे.

सध्या शहर असो किंवा उपनगर प्रत्येक ठिकाणी चौकात मोठ्या थाटात वाढदिवस साजरे करण्याची फॅशन जोरदारपणे सुरु आहे. गल्ली गल्लीत दादा, भाई, भाऊ यांचे वाढदिवस धुमधडाक्यात साजरे होतात. धनकवडी मध्येही असाच एका मलुाचा वाढदिवस साजरा करण्यात आला. विशेष म्हणजे यावेळी केक हा तलवारीने कापण्यात आला. त्यामुळे पोलिसांनी त्याच्यावर गुन्हा दाखल.

हर्ष आनंद कदम, (वय १९ वर्षे, धंदा- शिक्षण, रा. श्री साई पार्क अपार्टमेंट, शनि मंदिराजवळ, त्रिमुर्ती चौक, भारती विदयापीठ, त्याचसोबत सनि सुभाष दिपक, (वय २८ वर्षे, रा. फाईव्ह स्टार सोसा, सावरकर चौक, धनकवडी, रोहन सचिन यादव, (वय १७ वर्षे महालक्ष्मी अपार्टमेंट, धनकवडी शेवटचा बस स्टॉप, धनकवडी, धमराज विनोद सपकाळ, (वय १७ वर्षे रा- ओंकार अपार्टमेंट, त्रिमुर्ती चौक भारती विदयापीठ, कात्रज) यांच्याविरोधात गुन्हा दाखल करण्यात आला आहे.