शेळगावमधून ६५ हजार किमतीचा गांजा जप्त

वालचंदनगर पोलिसांची कारवाई

लासुर्णे : शेळगाव (ता. इंदापूर) येथील सागर साहेबराव मोहिते याच्या घरी छापा टाकून ६५ हजार ७२४ रुपये किमतीचा ५ किलो ४७४ ग्रॅम वजनाचा गांजा जप्त करण्यात आलेला आहे.

वालचंदनगर पोलीस ठाण्याचे सहायक पोलीस निरीक्षक दिलीप पवार यांना गोपनीय बातमी मिळाली होती. मोहिते यांच्या घरी पथकाने छापा घातला. या वेळी त्याचेजवळ ५० हजार ५४४ रुपयांचा एक पांढऱ्या रंगाची दोन बंधाच्या पिशवी तिच्यामध्ये खाकी रंगाचे दोन पुडे आढळून आले. त्यापैकी एका पुड्यात २ किलो १०६ ग्रॅम वजनाचा गांजा व दुसऱ्या पुड्यात २ किलो १०६ ग्रॅम वजनाचा गांजा मिळून आला. सदर अमली पदार्थ गांजापथकाने जप्त केला.यावेळी दिलीप पवार यांना पुन्हा गोपनीय बातमीदारामार्फत बातमी मिळाली की, शेळगाव गावचे हद्दीत ज्ञानदेव सुदाम मदने यांने विक्रीसाठी आपल्या घरामध्ये गांजा ठेवलेला आहे. मदने यांचे घरी छापा घातला असता त्याचे लाकडी कपाटामध्ये १५ हजार १८० रुपये खाकी रंगाचा एक पुडा त्यामध्ये १ किलो २६५ ग्रॅम वजनाचा गांजा जप्त करण्यात आला आहे. यामध्ये सागर साहेबराव मोहिते व ज्ञानदेवमदने विरुध्द बिगपरवाना विक्री करण्याचे उद्देशाने गांजा हा अमली पदार्थ जवळ बाळगल्याने गुन्हा दाखल केला आहे. सदरची कामगिरी पोलीस अधीक्षक अभिनव देशमुख,अप्पर पोलीस अधीक्षक मिलिंद मोहिते,उपविभागीय अधिकारी नारायण शिरगावकर यांचे मार्गदर्शनाखाली सहायक पोलीस निरीक्षक दिलीप पवार, पोलीस उपनिरीक्षक खंदारे , पो.हवा.प्रकाश माने,उत्तम खाडे,अमर थोरात,अजित थोरात अमोल चितकोटे,मोहिते, चालक बेलदार यांचे पथकाने केलेली आहे.