चेष्टा मस्करी पडली महागात :डोक्यात बाटली मारुन केले जखमी

रुपेश साठे याने अजय मापारे याची चेष्टा करत होता़ ते ऐकून इतर जण हसत होते़. ही चेष्टा मस्करी इतकी वाढली की, त्यामुळे अस्वस्थ होऊन मापारे याने बाटली फोडून ती रुपेशच्या डोक्यात मारली़ .

ठळक मुद्दे पिस्तुलाचा धाक दाखवून जीवे मारण्याची धमकी, कोथरुडमध्ये घडला प्रकार चेष्टा मस्करी पडली महागात, डोक्यात बाटली मारुन केले जखमी

पुणे : रात्री उशीरापर्यंत चौकात गप्पा मारत उभे राहण्याचा व एकमेकांची चेष्टा करण्याचा प्रकार सध्या सर्वत्र दिसून येतो़ काही जणांना ही चेष्टा सहन होत नाही़ असाच प्रकार सोमवारी रात्री कोथरुडमधील सुतारदरा येथे घडला़ चेष्टा सहन न झाल्याने एकाने डोक्यात बाटली मारुन जखमी केले तर दुसºयाने पिस्तुलीचा धाक याप्रकरणी पोलिसांनी चार जणांना रात्रीतून अटक केली आहे़.

        समीर ऊर्फ बंटी अंकुश पासलकर (वय २०), करण कैलास मोहोळ (वय १९), अजय कैलास मापारे (वय १९), निलेश संतोष बोडके (वय १९) अशी अटक केलेल्यांची नावे आहेत़ याप्रकरणी राजू अंकुश पठारे यांनी फिर्याद दिली आहे़ या घटनेत रुपेश साठे जखमी झाला आहे़.

          याबाबतची माहिती अशी, राजू पठारे याचा मित्र रुपेश साठे याने अजय मापारे याची चेष्टा करत होता़ ते ऐकून इतर जण हसत होते़ ही चेष्टा मस्करी इतकी वाढली की, त्यामुळे अस्वस्थ होऊन मापारे याने बाटली फोडून ती रुपेशच्या डोक्यात मारली़ त्याच्याबरोबर असलेल्या बंटी पासलकर याने त्याच्याकडील पिस्तुल काढून राजू पठारे याच्या डोक्याला लावून का रे तुम्हाला लय मस्ती आली काय थांब आता तुला बघतोच, तुझा खेळ खलास करतो असे बोलून शिवीगाळ करुन धमकी दिली़ साठे याचे आईवडिल व भाऊ त्यांच्याकडे येत असल्याचे पाहून त्यांच्यावर पिस्तुल रोखून त्याने पुढे कोणी येऊ नका नाही तर तुम्हाला पण खलास करीन अशी धमकी दिली़.

या घटनेची माहिती मिळाल्यावर वरिष्ठ पोलीस निरीक्षक अप्पासाहेब शेवाळे यांनी घटनास्थळी भेट दिली असून पोलिसांनी चौघांनाही अटक केली आहे़