इंदापूरमध्ये मोहरम ताबूतचे नागरिकांनी घेतले दर्शन, सर्वधर्म समभावाचा संदेश

इंदापूर शहरातील शेख मोहल्ला येथे दर्ग्यात इंदापूरनगरीचे नगरसेवक भरत शहा, उपनगराध्यक्ष धनंजय पाटील, गुड्डू मोमीन, रमेश धोत्रे, नितीन मखरे, सामजिक कार्यकर्ते जावेद शेख, अल्ताफ पठाण आदी मान्यवरांच्या हस्ते ताबूतला पवित्र भावनेने फुलांची चादर अर्पण करण्यात आली. मोहरमच्या सणानिमित्ताने इंदापूर पोलीस ठाण्याच्या वतीने पोलिसांचा मोठा बंदोबस्त इंदापूर शहरातील दर्गा मस्जिद चौक, ठाकरगल्ली, राजेवलीनगर, खडकपुरा, तसेच इतर संवेदनशील ठिकाणी चोख लावण्यात आला होता. त्यामुळे शहरात कोठेही कायदा व सुव्यवस्था भंग पावली नसून, शांततेत सर्वत्र सण साजरा करण्यात आला.

बहुजन मुक्ती पार्टीच्या वतीने फुलांची चादर अर्पण

बहुजन मुक्ती पार्टीच्या वतीने राष्ट्रीय महासचिव ॲड. राहुल मखरे यांच्या वतीने ताजीयाला मनोभावे फुलांची चादर अर्पण करण्यात आली. या वेळी माजी नगराध्यक्ष गणेश महाजन, अकील शेख, वसीम शेख, अफसर शेख, संतोष जाधव, नागेश भोसले, रोहित ढावरे, जावेद मुंडे, अफसर झारी, सोहेल शेख, सलमान शेख, जुनेद शेख, फैजान शेख, अनिस शेख, जैद शेख, शादाफ शेख व कार्यकर्ते मोठ्या संख्येने उपस्थित होते.

इंदापूर येथे मोहरमनिमित्ताने डोल्यांचे दर्शन घेताना नागरिक.