एकनाथ शिंदेंनी रुग्णालयात जाऊन घेतली प्रकाश आमटेंची भेट; डॉक्टरांकडूनही घेतली माहिती

पुणे दौरा आटोपून रात्री एकनाथ शिंदेंनी डॉ. प्रकाश आमटे याना भेटून त्यांच्या प्रकृतीची विचारपूस केली.

पुणे- मुख्यमंत्री एकनाथ शिंदे यांनी मंगळवारी रात्री डॉ. प्रकाश आमटे यांची भेट घेतली. एकनाथ शिंदेपुणे दौऱ्यावर असताना दीनानाथ मंगेशकर रुग्णालयात जाऊन प्रकाश आमटे यांनी विचारपूस केली. यावेळी दीनानाथ मंगेशकर रुग्णालयातील प्रमुख डॉक्टर देखील उपस्थित होते. 

डॉ. प्रकाश आमटे हे सध्या रक्ताच्या कर्करोगाने आजारी असून पुण्यातील दीनानाथ मंगेशकर रुग्णालयात पुढील उपचार घेत असल्याचे एकनाथ शिंदे यांना समजले. त्यानंतर पुणे दौरा आटोपून रात्री त्यांनी डॉ. प्रकाश आमटे याना भेटून त्यांच्या प्रकृतीची विचारपूस केली. तसेच प्रकाश आमटे यांच्या पत्नी डॉ. मंदाकिनी आमटे आणि पुत्र डॉ. कौस्तुभ आमटे आणि इतर कुटूंबियांशी बोलून एकनाथ शिंदेंनी त्यांच्यावर सुरू असलेल्या उपचारांची माहिती घेतली. 

पुणे- मुख्यमंत्री एकनाथ शिंदे यांनी बुधवारी रात्री डॉ. प्रकाश आमटे यांची भेट घेतली. एकनाथ शिंदे पुणे दौऱ्यावर असताना दीनानाथ मंगेशकर रुग्णालयात जाऊन प्रकाश आमटे यांनी विचारपूस केली. @mieknathshindepic.twitter.com/SvIAnSKb5s

— Lokmat (@lokmat) August 3, 2022

शिवसेना आमदार अनिल बाबर यांच्या पत्नी देखील याच रुग्णालयात उपचार घेण्यासाठी दाखल आहेत. त्यांची देखील एकनाथ शिंदे यांनी भेट घेऊन त्यांच्या प्रकृतीची आस्थेवाईकपणे चौकशी केली. यावेळी आमदार उदय सामंत, माजी आमदार विजय शिवतारे आणि आमटे कुटूंबीय देखील उपस्थित होते.