वढाणेच्या विकासासाठी कटिबद्ध: देवकाते

वढाणे येथे राष्ट्रवादी कॉंग्रेस युवक शाखेच्या फलकाचे उद्घाटन देवकाते यांच्या हस्ते करण्यात आले. त्या वेळी ते अध्यक्षस्थानावरून बोलत होते. या वेळी ग्रामस्थांच्या वतीने मान्यवरांचा पुणेरी पगडी देऊन सत्कार करण्यात आला. याप्रसंगी सोमेश्वरचे अध्यक्ष पुरुषोत्तम जगताप, जिल्हा परिषद सदस्य भरत खैरे, राहुल वाबळे, गणेश चांदगुडे, पोपटराव पानसरे, संपतराव जगताप, शौकत कोतवाल, विठ्ठल खैरे, रत्नप्रभा चौधरी, हरिभाऊ भोंडवे, राजेंद्र भोंडवे, कालिदास भोंडवे, माजी सरपंच बी. आर. चौधरी, मच्छिंद्र चौधरी, रामभाऊ लकडे, बाळासो भोंडवे, सुनील चौधरी, चंदन चौधरी, ॲड. ज्ञानदेव चौधरी, देवराम चौधरी, मोहन चौधरी, भानुदास चौधरी, यशवंत चौधरी, अर्जुन चौधरी, प्रकाश चौधरी, शिवाजी कौले, बाबाजी शिंदे, शंकर लकडे, संतोष गोरे आदी उपस्थित होते.

देवकाते म्हणाले की, माजी केंद्रीय कृषिमंत्री शरद पवार, उपमुख्यमंत्री अजित पवार आणि खासदार सुप्रिया सुळे यांच्या माध्यमातून येथील विकासकामे सुरू आहेत. राज्याचे उपमुख्यमंत्री अजित पवार यांनी नुकतेच जनाईचे आलेल्या पाण्याचे येथील तलावात जलपूजन केले. त्यामुळे येथील शेती आणि पिण्याच्या पाण्याचा प्रश्न मार्गी लागल्याचे देवकाते यांनी सांगितले. दरम्यान, येथील राष्ट्रवादी युवक शाखेच्या अध्यक्षपदी सचिन चौधरी, उपाध्यक्ष राजेंद्र शिंदे, तर सचिवपदी सागर कौले आदींसह कमिटी स्थापन करण्यात आली.

०९सुपे

राष्ट्रवादी युवक शाखेच्या फलक अनावरण प्रसंगी विश्वास देवकाते व इतर.