खाऊच्या आमिषाने 3 वर्षाच्या चिमुरडीवर बलात्कार

खाऊचं आमिष दाखवून सोमेश्वरवाडी येथे 3 वर्षांच्या चिमुरडीवर बलात्कार करण्यात आल्याची धक्कादायक घटना उघडकीस आली.

पुणे : खाऊचं आमिष दाखवून सोमेश्वरवाडी येथील एका वृद्धाश्रमाच्या मागील झुडपात नेऊन 3 वर्षांच्या चिमुरडीवर बलात्कार करण्यात आल्याची धक्कादायक घटना उघडकीस आली. पोलिसांनी त्या नराधमाला अटक केली आहे.

शंभुकुमार दुखी राय (21) असं अटक करण्यात आलेल्या आरोपीचं नाव आहे. या प्रकरणी पीडीत मुलीच्या आईने चतु:श्रृंगी पोलीस ठाण्यात तक्रार दाखल केली आहे. पोलिसांनी दिलेल्या माहितीनुसार, फिर्यादी आणि आरोपी हे एकाच लेबर कॅम्पमध्ये राहतात. ते एकमेकांना ओळखत होते़. शनिवारी सायंकाळी राय याने या महिलेच्या तीन वर्षाच्या मुलीला कुरकुरे देण्याचे आमिष दाखवले व तिला वृद्धाश्रमाच्या मागील झुडपात नेले. तेथे तिच्यावर लैंगिक अत्याचार केले. 

पिंपरीमध्ये 2 अल्पवयीन मुलींवर बलात्कार, एका मुलीचा उपचारादरम्यान मृत्यू

मुलीने हा प्रकार आईला सांगितला. आईने तातडीने पोलिसांकडे धाव घेतली. चतु:श्रृंगी पोलिसांनी घटनेनंतर तासाभरातच राय आला अटक केली आहे. त्याच्याविरुद्ध चतु:श्रृंगी पोलीस ठाण्यात 376(2)(म) सह 3(अ), 4, 5 पोस्को अन्वये गुन्हा दाखल करण्यात आला आहे. अधिक तपासासाठी न्यायालयाने त्याला पोलीस कोठडी मंजूर केली आहे़.