Corona virus : पुणे शहरात शुक्रवारी ३२१ कोरोनाबाधितांची वाढ; २४ जणांचा बळी
By ऑनलाइन लोकमत | Published: October 23, 2020 09:35 PM2020-10-23T21:35:13+5:302020-10-23T21:36:45+5:30
शुक्रवारी दिवसभरात ७३० जणांची कोरोनावर मात
Corona virus : पुणे शहरात शुक्रवारी ३२१ कोरोनाबाधितांची वाढ; २४ जणांचा बळी
पुणे : शहरात शुक्रवारी केवळ ३२१ कोरोनाबाधितांची वाढ झाली असून, ७३० कोरोनाबाधित कोरोनामुक्त झाले आहेत. तर आज दिवसभरात २४ जणांचा कोरोनामुळे मृत्यू झाला असून, यामध्ये ४ जण पुण्याबाहेरील आहेत.
पुणे महापालिकेच्या आरोग्य विभागाने दिलेल्या माहितीनुसार, शुक्रवारी सायंकाळी साडेपाचपर्यंत दिवसभरात शहरातील विविध हॉस्पिटलमध्ये ६८४ गंभीर रूग्णांवर उपचार सुरू असून, यापैकी ३६४ जण व्हेंटिलेटरवर आहेत. तर १ हजार ८३० जणांवर आॅक्सिजनसह उपचार सुरू आहेत.
पुणे शहरात आत्तापर्यंत ७ लाख १६ हजार ९८६ जणांची कोरोना तपासणी करण्यात आली आहे. यापैकी १ लाख ५९ हजार ७७ जण पॉझिटिव्ह आले असून, यातील १ लाख ४७ हजार ६४२ जण कोरोनामुक्त झाले आहेत़. शहरातील सक्रिय रूग्ण संख्या ही ७ हजार ३४९ इतकी आहे़ तर आत्तापर्यंत ४ हजार ८६ जणांचा मृत्यू झाला आहे.
