तरडोलीत भरणार अधिकारी व कर्मचाऱ्यांचा दरबार

गेल्या दीड वर्षापासून कोरोना या विषाणूजन्य आजारामुळे बारामती तालुक्याच्या ग्रामीण भागातील गावात ग्रामसभा होत नाहीत. कोरोनामुळे गावातील शेतकऱ्यांसह अनेक मजूरवर्ग, विद्यार्थ्यांचे, पालकांचे गावपातळीवरील अनेक समस्या जैसे थे आहेत. यामुळे बारामती तालुक्यातील तरडोली गावचे सरपंच नवनाथ जगदाळे व उपसरपंच महेंद्र तांबे यांनी कृषी, आरोग्य विभाग, महसूल, सर्व शिक्षा अभियान, पशू संवर्धन, महावितरण कंपनी, महिला बालविकास आदी अधिकारी व कर्मचारी बोलावले आहेत.

वरील खात्याअंतर्गत ज्या शेतकऱ्यांची, मजूरवर्गीय व गावात राहत असलेल्या ग्रामस्थांची कामे रखडली आहेत, त्यांना विविध वेळेत पाचारण केले आहे. तसेच संबंधीत व्यक्तींनी आपल्या अर्जामार्फत समक्ष उपस्थित रहावे अथवा व्हॉट्सअॅपद्वारे अर्ज पाठवावा असे सांगितले आहे.

चौकट :

शेतकरी, जनतेचे प्रश्न मार्गी लागण्यासाठी प्रत्येक गावात विविध खात्याच्या अधिकाऱ्यांची नेमणूक केली आहे. यामुळे जनतेचे प्रश्न मार्गी लागलेेच पाहिजेत. जे अधिकारी समस्या सोडवणार नाहीत त्यांचे मत लेखी घेणार आहे.

- नवनाथ जगदाळे, सरपंच