क्राईम न्यूज

बारामती : घरासमोरील मोकळ्या जागेत असलेल्या चिंचेच्या झाडावरील चिंचा पाडत असताना एकाने त्याला दमदाटी करून मारहाण केली. ही घटना खांडज (आटोळेवस्ती, बारामती) येथे बुधवारी घडली. याप्रकरणी कांतीलाल दत्तात्रय आटोळे यांच्यावर गुन्हा दाखल करण्यात आला आहे. याप्रकरणी उत्तम नारायण आटोळे यांनी बारामती तालुका पोलिस ठाण्यात फिर्याद दिली.

--

इंदापुरात चोरीची वाळू जप्त

--

इंदापूर : चोरून आणलेली वाळू पळसेदव बाजारात विकली जात असताना पोलिसांनी धाड टाकून ती जप्त केली मात्र पोलिसांची चाहूल लागताच चोरट्याने पोलिसांच्या हातावर तुरी देत बेपत्ता झाला. ही घटना बुधवारी रात्री साडेनऊ वाजण्याच्या सुमारास पळसदेव येथे घडली. पोलिसांनी ट्रक (एमएच१६, क्यू ४६२२) आणि चार ब्रास वाळू जप्त केली.

--

अर्धा एकर गव्हाची चोरी

--

जेजुरी : मावडी सुपे गावाच्या हद्दीतील एका शेतातील सुमारे अर्धा एकर गव्हाच्या पिकांची चोरी झाली. ही घटना मावडी सुपे गावातील गट नंबर १२० येथील शेतात बुधवारी सायंकाळी पाचच्या सुमारास घडली. याप्रकरणी भानुदास नारायण कोलते, अजय आण्णा बादल, मीनाक्षी आण्णा बादल, अंजना महादेव बादल या चौघांवर गुन्हा दाखल करण्यात आला.

---

उरुळीत मोटारसायकलची चोरी

लोणी काळभोर : उरुळी कांचन येथील तांबेवस्ती येथे एका घराच्या अंगणात लॉक करुन ठेवलेली मोटारसायकल (एनएच१४, डीवाय ५३८०) चोरट्यांने कुलूप तोडून लंपास केली. ही घटना सोमवारी दिवसा घडली. याप्रकरणी नितीन गंभीरराव हिवाळे यांनी फिर्याद दिली.

---