अध्यक्षपदी दाभाडे

एकलहरे येथे पोलीस पाटील संघटनेचा मेळावा झाला. कार्यक्रमात आंबेगाव तालुका पोलीस पाटील संघटनेच्या अध्यक्षपदी देवगावचे पोलीस पाटील प्रभाकर पोपटराव दाभाडे यांची बिनविरोध निवड झाली. या वेळी जिल्हा परिषदेचे माजी सदस्य एस. आर. शिंदे, मंचर कृषी उत्पन्न बाजार समितीचे सभापती देवदत्त निकम, पोलीस पाटील संघटनेचे राज्यअध्यक्ष बाळासाहेब शिंदे पाटील, पश्चिम महाराष्ट्र अध्यक्ष दादा पाटील काळभोर, पश्चिम महाराष्ट्र कार्यकारी अध्यक्ष गोरक्षनाथ नवले, मावळते तालुका अध्यक्ष रवींद्र विश्वासराव पाटील, महिला आघाडीच्या पुणे जिल्हाध्यक्षा तृप्तीताई मांडेकर,राज्य सदस्या अनिता वाजे, सचिव बबुशा वाघ तसेच पुणे पोलीस पाटील संघटनेचे सदस्य प्रकाश लोंढे पाटील उपस्थित होते. पोलीस पाटलांना दैनंदिन कामकाजात येणाऱ्या अडचणी सोडविण्यासाठी कटिबद्ध असल्याची ग्वाही नवनिर्वाचित तालुकाध्यक्ष प्रभाकर दाभाडे यांनी दिली.

.