दौंडला वाळूच्या ३५ ट्रकवर कारवाई

दौंड तालुक्यात वाळूमाफियांवर महसूल विभागाची कारवाई सुरूच असून, ठिकठिकाणी वाहतूक करणाऱ्या ३५ ट्रकवर कारवाई करण्यात आली.

दौंड : दौंड तालुक्यात वाळूमाफियांवर महसूल विभागाची कारवाई सुरूच असून, ठिकठिकाणी वाहतूक करणाऱ्या ३५ ट्रकवर कारवाई करण्यात आली. एका दिवसात ७ लाखांचा दंड वसूल करण्यात आल्याची माहिती तहसीलदार उत्तम दिघे यांनी दिली.
प्रशासकीय इमारतीच्या परिसरात या गाड्यांची लाईनच लागली आहे. दौंड, यवत, पाटस, देऊळगावराजे, पुणे-सोलापूर महामार्ग या ठिकाणी ही कारवाई करण्यात आली. नायब तहसीलदार उत्तम बडे, डॉ. सुनील शेळके, मंडलाधिकारी, तलाठी यांनी कारवाई केली. (वार्ताहर)