जुन्नर तालुक्यातील अनंत पतसंस्थेत भरदिवसा सशस्त्र दरोडा; गोळीबारात व्यवस्थापकाचा मृत्यू

चोरट्यांनी अडीच लाख रुपयांची रक्कम लंपास केली असल्याचा प्राथमिक अंदाज आहे

वडगाव कांदळी : जुन्नर तालुकयातील 14 नंबर कांदळी येथील अनंत ग्रामीण बिगर शेती सहकारी पतसंस्थेत बुधवारी दुपारी दीड वाजण्याच्या सुमारास दोन अज्ञात इसमांनी गोळीबार केला. यामध्ये व्यवस्थापक राजेंद्र दशरथ भोर (वय ५२) यांचा मृत्यू झाला आहे.

याबाबतची सविस्तर माहिती अशी की ,१४ नंबर येथील अनंत पतसंस्था ही पुणे नाशिक महामार्ग लगत आहे. दुपारी दीड वाजण्याच्या सुमारास व्यवस्थापक राजेंद्र भोर व लिपिक अंकिता नेहरकर हे जेवण करत असताना दोन अज्ञात व्यक्तींनी पतसंस्थेत प्रवेश केला. व्यवस्थापक राजेंद्र भोर यांच्याकडे पैशाची मागणी करत गोळीबार केला. यामध्ये भोर यांना उपचारासाठी नारायणगाव याठिकाणी नेत असताना उपचारापूर्वीच डॉक्टरांनी मृत घोषित केले आहे. चोरट्यांनी अडीच लाख रुपयांची रक्कम लंपास केली असल्याचा प्राथमिक अंदाज आहे. याबाबत घटनास्थळी पोलीस आणि श्वान पथक दाखल झाले असून पुढील तपास चालू आहे.

जुन्नर तालुक्यात पतसंस्थेत भरदिवसा झालेल्या गोळीबारातील चोरटे प्रवेश करतानाचे सीसीटीव्ही फुटेज #Pune#junnarpic.twitter.com/SZt8HV9D30

— Lokmat (@lokmat) November 24, 2021

जुन्नर तालुक्यात भरदिवसा पतसंस्थेत सशस्त्र दरोडा#Pune#junnarpic.twitter.com/1bVE5Khe5W

— Lokmat (@lokmat) November 24, 2021