रुग्णसंख्या कमी, पण डेल्टाने वाढवली चिंता

पुणे : सरत्या आठवड्यात शहरात ३६,८०८ चाचण्या झाल्या, १७३० रुग्णांची नोंद झाली तर ४० रुग्णांचा मृत्यू झाला. २१ ते २८ जून या कालावधीत पॉझिटिव्हिटी रेट ४.७० टक्के इतका होता. मात्र, दररोजची रुग्णसंख्या २५० ते ३०० च्या दरम्यान असल्याने अजूनही कोरोनाचा धोका टळलेला नाही. दुसरी लाट ओसरत असल्याचे वाटत असतानाच डेल्टा प्लसने चिंता वाढवली आहे. त्यामुळे नागरिकांनी गाफील आणि निष्काळजी न राहता कोरोना प्रतिबंधक वर्तन करण्याचे आवाहन केले जात आहे. गेल्या दोन दिवसांपासून पॉझिटिव्हिटीचा रेटही ५ च्यावर गेला आहे.

२१ ते २७ जून या आठवड्यात सातपैकी तीन दिवस पॉझिटिव्हिटी रेट ५ टक्क्यांच्या वर गेला होता. त्यामुळे आरोग्य यंत्रणेकडून चिंता व्यक्त करण्यात येत आहे. अनलॉक झाल्यापासून नागरिकांनी बाजारपेठेत, सार्वजनिक ठिकाणी, पर्यटनस्थळी गर्दी करायला सुरुवात केली आहे. त्यामुळे पुन्हा संसर्ग वाढण्याची भीती व्यक्त होत आहे. नागरिकांचे बेजबाबदार वर्तन कायम राहिल्यास पुढील चार ते सहा आठवड्यांत तिसरी लाट येण्याचा धोका आहे.

लसीकरण हा साथ रोखण्याचा एकमेव उपाय आहे. त्यामुळे लसीकरणाचा वेग वाढल्यास जास्तीत जास्त नागरिकांना कोरोनापासून संरक्षण मिळू शकणार आहे. पुणे जिल्ह्यात दोन दिवस एक लाखाहून अधिक नागरिकांचे लसीकरण पार पडले. पुरेशा लसी उपलब्ध झाल्यास आणि हा वेग कायम राहिल्यास तिसऱ्या लाटेचा वेग रोखता येऊ शकेल, असे तज्ज्ञांचे म्हणणे आहे.

-------

गेल्या आठवड्यातील स्थिती :

दिनांक चाचण्या रुग्ण पॉझिटिव्हिटी रेट

२१ जून ३८७२ १३६ ३.५१

२२ जून ४८७८ २२० ४.५१

२३ जून ५४३७ २८३ ५.२०

२४ जून ५६९६ ३३३ ५.८४

२५ जून ५७९५ २५८ ४.४५

२६ जून ५८५९ २२६ ३.८५

२७ जून ५२७१ २७४ ५.१९

-----

महिन्याभरातील स्थिती :

आठवडा चाचण्या रुग्ण मृत्यू

३ मे-९ मे १,१३,०१४ १८,९३३ ४२८

१० - १६ मे ८८,०८४ १२७३९ ३४८

१७-२३ मे ७२, २७४ ६३२२ ३०१

२४-३० मे ५५८५२ ४१२२ २२५

३१ मे-६ जून ४६,७०० २५०७ १६३

७ - १३ जून ३९,८८५ १८५८ ८०

१४-२० जून ३६,१३९ १७४२ ५६

२१-२७ जून ३६,८०८ १७३० ४०

------

पॉझिटिव्हिटी रेट

१६.७५

१४.४६

८.७४

७.३८

५.३६

४.६७

४.८२

४.७०