निर्लज्जपणाचा कळस; कामगार महिलेला कंडोम दाखवून बाप-लेकाने केली शरीरसुखाची मागणी

लोणीकंद पोलीस ठाण्यात गुन्हा दाखल...

पुणे , प्रतिनिधी किरण शिंदे : दुकानात काम करणाऱ्या एका महिलेला कंडोमचे पाकीट दाखवून तिच्यासोबत वारंवार अश्लील वर्तन केल्याप्रकरणी बाप लेकाविरुद्ध गुन्हा दाखल करण्यात आला आहे. लोणीकंद पोलीस ठाण्यात गुन्हा दाखल करण्यात आला आहे.

एका 34 वर्षीय महिलेने या प्रकरणी तक्रार दिली आहे. दिलीप रिकबचंद ओसवाल (वय 59) आणि आकाश दिलीप ओसवाल (वय 29) (दोघेही रा. गॉड गिफ्ट सोसायटी, मंगलदास रोड, बंडगार्डन) अशी आरोपींची नावे आहेत. एप्रिल 2022 ते जुलै 2022 या कालावधीत हा प्रकार घडला.

या प्रकरणी अधिक माहिती अशी की, आरोपी दिलीप आणि आकाश बापलेक आहेत. तर फिर्यादी महिला या त्यांच्या ऑफिसमध्ये कामाला आहेत. काम करत असताना आरोपी दिलीप ओसवाल यांनी फिर्यादीच्या अंगाला स्पर्श करून, त्यांच्याशी अश्लील चाळे करत ऑफिस जवळ पडलेले कंडोम त्यांना दाखवले. इतर आरोपी आकाश ओसवाल यांनी फिर्यादी सोबत अश्लील चाळे करत त्यांना कंडोमचे पाकीट दाखवून त्यांच्या जातीचा उल्लेख करत तुम्ही आम्हाला खुश करण्यासाठीच असतात असे बोलून विनयभंग केला. 

दरम्यान वारंवार होणाऱ्या या प्रकाराला कंटाळून फिर्यादी यांनी लोणीकंद पोलीस ठाण्यात तक्रार दिली आहे. पोलिसांनी या प्रकरणी गुन्हा दाखल केला असून अधिक तपास सुरू आहे.