‘पूजा’ने केलेली आत्महत्या की तिला मारले?

लोकमत न्यूज नेटवर्क

पुणे : हडपसर परिसरात रविवारी (दि. ७) एका सोसायटीच्या तिसऱ्या मजल्यावरून उडी मारून पूजा चव्हाण या २२ वर्षीय तरुणीने आत्महत्या केल्याचे सांगितले जात आहे. मात्र, ही नेमकी आत्महत्या होती की तिला कोणी मारलेे, याचा तपास करावा, अशी मागणी भारतीय जनता पार्टीच्या महिला आघाडीने केली. या संदर्भातली तक्रार वानवडी पोलीस ठाण्यात दाखल करण्यात आली.

महाराष्ट्रातील एका बड्या मंत्र्यासोबत असलेल्या प्रेमसंबंधातून या तरुणीने आत्महत्या केल्याची चर्चा समाजमाध्यमांमध्ये सुरू आहे. हा प्रकार अतिशय गंभीर आहे. संबंधित बड्या मंत्र्याचा या तरुणीसोबत असलेला संबंध पोलिसांनी शोधून काढला पाहिजे. या सर्व प्रकाराची सखोल चौकशी करून संबंधित दोषी गुन्हेगारांना अटक करावी, अशी मागणी या आघाडीने केली आहे.

भाजपा महिला आघाडीने ही तक्रार दाखल केल्यानंतर पुणे शहर पोलीस आयुक्त अमिताभ गुप्ता यांना याबाबतचे निवेदनही दिले आहे. महिला आघाडीच्या पुणे शहराध्यक्ष अर्चना पाटील यांनी या प्रकरणाचा तपास लवकरात लवकर न केल्यास तीव्र जनआंदोलन करण्याचा इशारा दिला आहे. नगरसेवक सुशील मेंगडे, धनराज घोगरे, महिला अघाडी सरचिटणीस गायत्री भागवत, सोनाली शितोळे आदी या वेळी उपस्थित होते.----------

बीड जिल्ह्यातील परळी येथील २२ वर्षीय पूजा या तरुणीने इमारतीवरून उडी

मारून पुण्यात आत्महत्या केली होती. तिचे मूळ गाव परळी, जि. बीड आहे. याप्रकरणी वानवडी पोलीस ठाण्यात अकस्माक मृत्यूची नोंद केली आहे. ही घटना रविवारी मध्यरात्रीच्या सुमारास पुण्यातील महंमदवाडी येथील हेवन

पार्क येथे घडली होती. दरम्यान, तरुणीने नेमक्या कोणत्या कारणातून आत्महत्या

केली हे मात्र अद्याप समजू शकलेले नाही. परंतु संबंधित तरुणीच्या

आत्महत्येवरून सोशल मीडियावर उलटसुलट चर्चा सुरू होती. मात्र, त्याबाबत

अधिकृत कोणतीही तक्रार अद्याप मिळाली नसल्याचे पोलिसांनी सांगितले.