आळंदी देवाची येथे ३० दिव्यांगांना कृत्रिम अवयवांचे वाटप

जेवण डबेवाले धर्मशाळा या ठिकाणी आयोजित कार्यक्रमात सिद्धार्थ बांगर, शेरसिंग सर, माजी नगरसेवक डी. डी. भोसले पाटील, नगरसेवक ‌प्रकाश कुऱ्हाडे, नगरसेवक सचिन गिलबिले, चदभान गांगुर्डे, सचिन घुंडरे, अर्चना घुंडरे आदींच्या हस्ते कृत्रिम अवयवांचे वाटप करण्यात आले.

सिद्धार्थ बांगरे म्हणाले, आगामी काळातही दिव्यांगांना रोजगार उपलब्ध करून देण्यासाठी प्रशिक्षण देण्यात येणार आहे. तर यापुढील काळात दिव्यांग बांधवांना नगरपरिषदेच्या माध्यमातून अनेक योजनांचे लाभ मिळवून देण्यासाठी प्रयत्न करण्याचे आश्वासन नगरसेवक प्रकाश कुऱ्हाडे व नगरसेवक सचिन गिलबिले यांनी दिले. सूत्रसंचालन संदीप बारणे यांनी तर अर्चना घुंडरे यांनी आभार मानले.

फोटो ओळ : आळंदी येथे दिव्यांगांना जयपूर फूट कॅलिफर वाटप करताना मान्यवर.