जिल्हास्तरीय कराटे स्पर्धा उत्साहात

करोना च्या पार्श्वभूमीवर गर्दी होऊ नये यासाठी दोन टप्प्यांमध्ये या स्पर्धेचे आयोजन करण्यात आले. सकाळच्या सत्रामध्ये पुणे जिल्ह्यातील संघ सहभागी झाले तर दुपारच्या सत्रामध्ये पुणे शहर व पिंपरी-चिंचवड शहरातील खेळाडू सहभागी झाले. या भव्य स्पर्धेचा उद्घाटन समारंभ ढोले पाटील एज्युकेशन सोसायटीचे चेअरमन सागर ढोले पाटील यांच्या हस्ते संपन्न झाला.

या प्रसंगी कराटे असोसिएशनचे शरद फंड, रवींद्र कराळे, एशिया कराटे चॅम्पियन शिप प्लेयर कुमारी सृष्टी मोरे उपस्थित होते. स्पर्धेचा बक्षीस वितरण समारंभ स्केटिंग या खेळाचे शिव छत्रपती अवार्ड विजेते असलेले प्रणय ढोले पाटील यांच्या हस्ते झाला. यामध्ये विश्वास स्पोर्ट्स अकॅडमी पिंपरी चिंचवड यांनी प्रथम क्रमांकाचा चषक पटकावला व चॅम्पियन क्लब ने दुसऱ्या क्रमांक पटकावला.

सदर स्पर्धेचे आयोजन संस्थेचे चेअरमन सागर ढोले यांच्या मार्गदर्शनाखाली प्रा. दीपक पिंगळे, प्रा. श्रीकांत जगताप, तन्मय कानिटकर, रणजित चव्हाण, रोनक ढोले यांनी केले.